തിരുവനന്തപുരം: സ്വാതന്ത്ര്യദിനത്തില് സംസ്ഥാനത്തെ സ്കൂളുകളിൽ വന്ദേമാതരം പാടണമെന്ന് നിർദേശമില്ലാതെ പൊതുവിദ്യാഭ്യാസ ഡയറക്ടറുടെ സർക്കുലർ. ഇന്ത്യയുടെ 79-ാം സ്വാതന്ത്ര്യദിനം വിപുലമായി ആഘോഷിക്കുന്നതിന്റെ ഭാഗമായി സംസ്ഥാനത്തെ സ്കൂളുകള്ക്കും മറ്റ് വിദ്യാഭ്യാസ സ്ഥാപനങ്ങള്ക്കും പൊതുവിദ്യാഭ്യാസ ഡയറക്ടര് നല്കിയ മാര്ഗനിര്ദേശങ്ങളിലാണ് വന്ദേമാതരം ആലപിക്കണമെന്ന് പരാമര്ശിക്കാത്തത്. ദേശീയഗാനം ആലപിക്കണമെന്ന് മാത്രമാണ് നിര്ദേശം. പ്രോട്ടോക്കോള് ഓഫീസറുടെ സര്ക്കുലറിന്റെ അടിസ്ഥാനത്തിലാണ് നിര്ദേശം.
കേന്ദ്രസർക്കാരിൻ്റെ നിദേശ പ്രകാരം വന്ദേമാതരം ആലപിക്കണം എന്ന് നേരത്തെ ചീഫ് സെക്രട്ടറി തദ്ദേശ വകുപ്പ് സെക്രട്ടറിക്ക് കത്തയച്ചത് വിവാദമായിരുന്നു. എന്നാൽ വന്ദേമാതരത്തിൽ സംസ്ഥാന സർക്കാരിൻ്റെ നിലപാട് സ്വാതന്ത്ര്യദിനത്തിൽ അറിയാമെന്നാണ് കഴിഞ്ഞ ദിവസം മുഖ്യമന്ത്രി വാർത്താ സമ്മേളനത്തിൽ പറഞ്ഞത്.
വന്ദേമാതരം ആലപിക്കുന്നതുമായി ബന്ധപ്പെട്ട് കോൺഗ്രസിനും യുഡിഎഫിനും ഒരു നയമുണ്ട്. കോൺഗ്രസും ഇൻഡ്യ മുന്നണിയും ദേശീയതലത്തിലും ഇത് വ്യക്തമാക്കിയിട്ടുണ്ടെന്നും അദ്ദേഹം പറഞ്ഞിരുന്നു. ഇതിനുപിന്നാലെയാണ് പൊതുവിദ്യാഭ്യാസ ഡയറക്ടർ സർക്കുലർ പുറപ്പെടുവിച്ചത്.
