കർണാടകയ്ക്ക് പിന്നാലെ ഹിജാബ് നിരോധനത്തിന് ഒരുങ്ങി മധ്യപ്രദേശ്, പുതുച്ചേരി സര്ക്കാരുകള് . ഹിജാബ് യൂണിഫോമിന്റെ ഭാഗമല്ലെന്ന് മധ്യപ്രദേശ്, പുതുച്ചേരി സര്ക്കാരുകള് വ്യക്തമാക്കി. ഇതിനിടെ തെലങ്കാനയില് ഹിജാബ് നിരോധനം ആവശ്യപ്പെട്ട് ബിജെപി രംഗത്തെത്തി.
ഹിജാബ് വിവാദവുമായി ബന്ധപ്പെട്ട് സംഘര്ഷ സാധ്യത കണക്കിലെടുത്ത് കര്ണാടകയില് കൂടുതല് ഇടങ്ങളില് നിരോധനാജ്ഞ പ്രഖ്യാപിച്ചു.
നിരോധനാജ്ഞ നിലനില്ക്കേ ശിവമൊഗ്ഗയിലും ദാവന്കരയിലും വീണ്ടും പ്രതിഷേധ റാലികള്ക്ക് ഒത്തുകൂടിയവരെ പൊലീസ് വിരട്ടിയോടിച്ചു. സംഘങ്ങളായി തിരിഞ്ഞ് ഒത്തുകൂടിയവര്ക്ക് നേരെ പൊലീസ് ലാത്തിവീശി. ഹൈസ്കൂളുകളും കോളേജുകളും അടച്ചിട്ടിരിക്കുകയാണ്. സംഘര്ഷങ്ങള്ക്ക് പിന്നില് കോണ്ഗ്രസും ക്യാമ്പസ് ഫ്രണ്ടുമാണെന്ന് കര്ണാടക സര്ക്കാര് ആരോപിച്ചു. ഹിജാബ് അനുവദിക്കില്ലെന്നും വസ്ത്രധാരണ രീതി നിര്ബന്ധമായും പാലിക്കണമെന്നും സര്ക്കാര് വ്യക്തമാക്കി.
എന്നാല് ഭിന്നിച്ച് ഭരിക്കാനുള്ള സര്ക്കാര് നീക്കണമാണെന്ന് കോണ്ഗ്രസ് പ്രതികരിച്ചു. ശിവമാെഗ്ഗ സര്ക്കാര് കോളേജില് ഒരു വിഭാഗം വിദ്യാര്ത്ഥികള് ഉയര്ത്തിയ കാവി കൊടി കോണ്ഗ്രസ് അഴിച്ചുമാറ്റി, പകരം ദേശീയ പതാക ഉയര്ത്തി.
