കര്ണന് എന്ന സിനിമയുടെ വിജയത്തിന് ശേഷം സംവിധായകന് മാരി സെല്വരാജിനൊപ്പം ധനുഷ് വീണ്ടും. പുതിയ ചിത്രത്തിന്റെ പ്രീ പ്രൊഡക്ഷന് നടക്കുകയാണെന്നും അടുത്ത വര്ഷം ചിത്രീകരണം തുടങ്ങുമെന്നും ധനുഷ് ട്വീറ്റ് ചെയ്തു.
Elated to announce that after the blockbuster success of Karnan, Mari Selvaraj and myself are joining hands once again. Pre production going on,
— Dhanush (@dhanushkraja) April 23, 2021
Shoot will commence next year.
പരിയേറും പെരുമാള്, കര്ണന് എന്നീ സിനിമകളൊരുക്കിയ മാരി സെല്വരാജ് ഇന്ത്യന് സിനിമയിലെ ഏറ്റവും പ്രതീക്ഷയേകുന്ന പുതുതലമുറ സംവിധായകരിലൊരാളാണ്. ജാതിരാഷ്ട്രീയവും ദളിത് രാഷ്ട്രീയവും അതിശക്തമായി പറഞ്ഞ രണ്ട് ചിത്രങ്ങളായിരുന്നു പരിയേറും പെരുമാളും കര്ണനും.
കാര്ത്തിക് സുബ്ബരാജ് സംവിധാനം ചെയ്ത ഗാംഗ്സ്റ്റര് ത്രില്ലര് ജഗമേ തന്തിരം, ആനന്ദ് എല് റായി സംവിധാനം ചെയ്ത ഹിന്ദി ചിത്രം അത്രംഗി രേ, ദ ഗ്രേ മാന് എന്നിവയാണ് ധനുഷ് പൂര്ത്തിയാക്കിയ ചിത്രങ്ങള്. കാര്ത്തിക് നരേന്, ശെല്വരാഘവന് എന്നിവരുടെ ചിത്രങ്ങളാണ് ധനുഷിന്റേതായി പ്രഖ്യാപിക്കപ്പെട്ടിട്ടുള്ളത്.
