കൊവിഡ് വ്യാപനം അതിരൂക്ഷമായി തുടരുന്ന ഇന്ത്യയ്ക്ക് പിന്തുണയുമായി ഗൂഗിള്. ഓക്സിജനും പരിശോധന കിറ്റുകളടക്കമുള്ള മെഡിക്കല് ഉപകരണങ്ങളും മറ്റുമായി 135 കോടിയുടെ അടിയന്തര സഹായമാണ് ഗൂഗിള് പ്രഖ്യാപിച്ചത്. ഗൂഗിള്, ആല്ഫബെറ്റ് സി.ഇ.ഒ സുന്ദര് പിച്ചെയാണ് ഇക്കാര്യം ട്വിറ്ററിലൂടെ അറിയിച്ചത്.ഇന്ത്യക്ക് സഹായം നൽകുമെന്ന് മൈക്രോ സോഫ്റ്റ് സിഇഒ സത്യ നദെല്ലയും വ്യക്തമാക്കിയിട്ടുണ്ട്.
ഇന്ത്യയിലെ പ്രതിസന്ധി മനസിനെ ഉലയ്ക്കുന്നെന്നും 135 കോടി രൂപ ഇന്ത്യയ്ക്ക് അടിയന്തരസഹായം നല്കുമെന്നുമായിരുന്നു സുന്ദര് പിച്ചെ ട്വിറ്ററിലൂടെ അറിയിച്ചത്.സംഭാവനയില് ഗൂഗിളിന്റെ ജീവകാരുണ്യ വിഭാഗമായ ഗൂഗിള് ഡോട്ട് ഓര്ഗില് നിന്നുള്ള 20 കോടിയുടെ രണ്ട് ഗ്രാന്റുകളും ഉള്പ്പെടുന്നുണ്ട്. ഗൂഗിള് ജീവനക്കാര് ക്യാമ്പയിനിലൂടെ നല്കിയ സംഭാവനയും ഇതില് ഉള്പ്പെടുന്നുണ്ട്. 3.7 കോടി രൂപയാണ് 900 ഗൂഗിള് ജീവനക്കാര് സംഭാവന ചെയ്തത്.
‘പ്രതിസന്ധി നേരിടുന്ന കുടുംബങ്ങള്ക്ക് അവരുടെ ദൈനംദിന ചെലവുകള്ക്കായി പണം സഹായം നല്കുക എന്നതാണ് ആദ്യത്തെ ഉദ്യമം. യുണിസെഫ് വഴി ഓക്സിജനും പരിശോധന ഉപകരണങ്ങളും ഉള്പ്പെടെയുള്ള അടിയന്തര വൈദ്യസഹായങ്ങള് ഇന്ത്യയില് ഏറ്റവും ആവശ്യമുള്ള ഇടങ്ങളിലേക്ക് എത്തിക്കുക എന്നതാണ് രണ്ടാമത്തെ ദൗത്യം,’ ഗൂഗിളിന്റെ ഇന്ത്യയിലെ മേധാവി സഞ്ജയ് ഗുപ്ത പറഞ്ഞു.
Devastated to see the worsening Covid crisis in India. Google & Googlers are providing Rs 135 Crore in funding to @GiveIndia, @UNICEF for medical supplies, orgs supporting high-risk communities, and grants to help spread critical information.https://t.co/OHJ79iEzZH
— Sundar Pichai (@sundarpichai) April 26, 2021
മൈക്രോ സോഫ്റിന്റെ എല്ലാ സാങ്കേതിക സംവിധാനങ്ങളും ഇന്ത്യക്ക് വേണ്ടിയുള്ള വിഭവ സമാഹരണത്തിനായി ഉപയോഗിക്കുമെന്ന് സി.ഇ.ഒ സത്യ നെതല്ല അറിയിച്ചു. ഇന്ത്യയുടെ ഇപ്പോഴത്തെ അവസ്ഥ ഹൃദയഭേദകമാണ്. ഇന്ത്യയെ സഹായിക്കാന് മുന്നോട്ടുവന്ന അമേരിക്കയോട് നന്ദിയുണ്ടെന്നും നാദെല്ല കൂട്ടിച്ചേര്ത്തു.
I am heartbroken by the current situation in India. I’m grateful the U.S. government is mobilizing to help. Microsoft will continue to use its voice, resources, and technology to aid relief efforts, and support the purchase of critical oxygen concentration devices.
— Satya Nadella (@satyanadella) April 26, 2021
