തെലങ്കാനയിലെ വാറങ്കലില് ഭൂസമരത്തില് പങ്കെടുക്കുന്നതിനിടെ രാജ്യസഭാ എം.പി ബിനോയ് വിശ്വം ഉള്പ്പെടെയുള്ള സിപിഐ നേതാക്കളെ പോലീസ് അറസ്റ്റ് ചെയ്തു. സമരസ്ഥലത്തേക്ക് പോകാന് ഇവര്ക്ക് പോലീസ് അനുമതി നല്കിയിരുന്നില്ല. വിലക്ക് ലംഘിച്ച് ബിനോയ് വിശ്വം എംപിയും തക്കലപ്പള്ളി ശ്രീനിവാസ റാവു തുടങ്ങിയവര് സമരസ്ഥലത്തേക്ക് പോകാന് ശ്രമിച്ചതോടെ വാറങ്കല് സുബദാരി പോലീസ് അറസ്റ്റ് ചെയ്യുകയായിരുന്നു. എംപിയെ വാറങ്കലിലെ പോലീസ് സ്റ്റേഷനില് എത്തിച്ചു.
സിപിഐ പ്രഖ്യാപിച്ച ഭൂസമരത്തിന്റെ ഭാഗമായി ആയിരക്കണക്കിനാളുകള് വാറങ്കല് താലൂക്ക് ഓഫീസ് ഉപരോധിക്കുകയാണ്. ഭൂരഹിതര്ക്കും ഭവനരഹിതര്ക്കും ഭൂമിയും വീടും നല്കുമെന്ന ചന്ദ്രശേഖര റാവു സര്ക്കാരിന്റെ വാഗ്ദാന ലംഘനത്തിനെതിരെയാണ് സമരം. വാറങ്കലിലെ മട്ടേവാഡയില് നിമ്മയ്യ കുളത്തിന് സമീപം സര്ക്കാര് ഭൂമി പിടിച്ചെടുത്ത് കുടിലുകള് കെട്ടി സമരമാരംഭിച്ചത്.
