പൊള്ളാച്ചി സര്ക്കാര് ആശുപത്രിയില് നിന്ന് തട്ടിക്കൊണ്ടുപോയ നവജാത ശിശുവിനെ കണ്ടെത്തി. സിസിടിവി ദൃശ്യങ്ങള് കേന്ദ്രീകരിച്ച് നടത്തിയ അന്വേഷണത്തിനൊടുവില് ഇന്ന് രാവിലെ നാല് മണിയോടെ പാലക്കാട് തിരുവായൂരില് നിന്നാണ് 24 മണിക്കൂറിനകം കുട്ടിയെ വീണ്ടെടുത്തതത്. സംഭവത്തില് രണ്ടു പേരുടെ അറസ്റ്റ് രേഖപ്പെടുത്തിയിട്ടുണ്ട്.
പാലക്കാട് കൊടുവായൂര് സ്വദേശിയുടെ വീട്ടില് നിന്നാണ് കുഞ്ഞിനെ കണ്ടെത്തിയത്. ഞായറാഴ്ച രാവിലെയാണ് പൊള്ളാച്ചി കുമരന് നഗര് സ്വദേശി യൂനിസ് – ദിവ്യ ദമ്പതികളുടെ നാല് ദിവസം മാത്രം പ്രായമുള്ള കുഞ്ഞിനെ കാണാതാവുന്നത്.
സിസിടിവി ദൃശ്യങ്ങള് പരിശോധിച്ചതില് നിന്ന് രണ്ട് സ്ത്രീകള് കുട്ടിയെ കൊണ്ടുപോകുന്നത് വ്യക്തമായിരുന്നു. തുടര്ന്നുള്ള പരിശോധനയില് അവര് പൊള്ളാച്ചി ബസ് സ്റ്റാന്റില് നിന്ന് കോയമ്പത്തൂര് റെയില്വേ സ്റ്റേഷനില് എത്തുകയും അവിടെ നിന്ന് പാലക്കാട് ജംഗ്ഷന് റെയില്വേ സ്റ്റേഷനില് ഇറങ്ങുകയും ചെയ്തതായി കണ്ടെത്തിയിരുന്നു.
കൊടുവായൂര് സ്വദേശിനി ജമീല എന്ന ഷബ്നയെ അറസ്റ്റ് ചെയ്തു. ഭര്തൃവീട്ടിലും നാട്ടിലും ഗര്ഭിണിയാണെന്ന് നുണപറഞ്ഞത് സാധൂകരിക്കാനാണ് കുട്ടിയെ തട്ടിക്കൊണ്ടുപോയതെന്ന് പൊലീസ് പറഞ്ഞു. പാലക്കാട് കൊടുവായൂര് സ്വദേശി മണികണ്ഠന്റെ വീട്ടില് നിന്നാണ് കുഞ്ഞിനെ കണ്ടെത്തിയത്.
