രാജസ്ഥാനിൽ പണമിടപാട് തീര്ക്കാന് പെണ്കുട്ടികളെ ലേലം ചെയ്യാന് കരാറുണ്ടാക്കണമെന്ന് ജാതിപഞ്ചായത്ത് നിര്ദേശിച്ചുവെന്ന വാര്ത്തകള് പുറത്തുവന്നതിന് പിന്നാലെ വിവാദം പുകയുന്നു.സംഭവത്തില് ദേശീയ മനുഷ്യാവകാശ കമ്മീഷന് രാജസ്ഥാന് സര്ക്കാരിന് നോട്ടീസ് അയച്ചു. പണമിടപാട് തീര്ക്കാന് പെണ്കുട്ടികളെ ലേലം ചെയ്യാന് കരാറുണ്ടാക്കണമെന്നും കരാര് ലംഘിച്ചാല് അവരുടെ അമ്മമാരെ ബലാത്സംഗം ചെയ്യണമെന്നും ജാതിപഞ്ചായത്ത് നിര്ദേശിച്ചുവെന്നായിരുന്നു പുറത്ത് വന്ന വാര്ത്തകള്. പണം തിരികെ തന്നില്ലെങ്കില് എട്ട് മുതല് 18 വയസുവരെയുള്ള പെണ്കുട്ടികളെ ലേലത്തിന് നല്കണമെന്നായിരുന്നു നിര്ദേശം.സംഭവത്തില് ദേശീയ വനിതാ കമ്മീഷന്, നാഷണല് കമ്മീഷന് ഫോര് പ്രൊട്ടക്ഷന് ഓഫ് ചൈല്ഡ് റൈറ്റ്സ് എന്നിവയും സംസ്ഥാന സര്ക്കാരിനോട് റിപ്പോര്ട്ട് തേടിയിട്ടുണ്ട്. കുറ്റക്കാരെ ഒരു കാരണവശാലും രക്ഷപ്പെടാന് അനുവദിക്കരുതെന്നും, ഈ സംഘത്തില് ഉള്പ്പെട്ട എല്ലാവര്ക്കും കനത്ത ശിക്ഷ തന്നെ ഉറപ്പാക്കണമെന്നും സര്ക്കാരിനോട് ആവശ്യപ്പെട്ടിട്ടുണ്ട്.
