പ്രധാനമന്ത്രി നരേന്ദ്ര മോദിയുടെ അമ്മ ഹീരാബെന് മോദിയെ ആശുപത്രിയില് പ്രവേശിപ്പിച്ചു. 100 വയസുള്ള ഹീരാബെന്നിന്റെ ആരോഗ്യനില മോശമായതിനെ തുടര്ന്ന് ഇന്ന് രാവിലെയാണ് ആശുപത്രിയിലാക്കിയത്. ഇതേത്തുടര്ന്ന് പ്രധാനമന്ത്രി മോദി അഹമ്മദാബാദിലേക്ക് തിരിച്ചതായി ദേശീയ മാധ്യമങ്ങള് റിപ്പോര്ട്ടുചെയ്തു.
ഹീരാബെന് മോദിയുടെ ആരോഗ്യനില തൃപ്തികരമാണെന്ന് അഹമ്മദാബാദിലെ യു.എന് മേത്ത ഇന്സ്റ്റിറ്റ്യൂട്ട് ഓഫ് കാര്ഡിയോളജി ആന്ഡ് റിസര്ച്ച് സെന്റര് വൃത്തങ്ങള് അറിയിച്ചു. മറ്റുവിവരങ്ങളൊന്നും അധികൃതര് പുറത്തുവിട്ടിട്ടില്ല. ഗുജറാത്തിലെ രണ്ട് ബിജെപി എംഎല്എമാര് ആശുപത്രിയിലുണ്ട്.ഗുജറാത്തില് അടുത്തിടെ നടന്ന നിയമസഭാ തിരഞ്ഞെടുപ്പിന്റെ പ്രചാരണത്തിനിടെയിലും പ്രധാനമന്ത്രി മോദി അമ്മയെ സന്ദര്ശിച്ചിരുന്നു.ജൂണില് ഹീരാബെന് മോദിയുടെ ജന്മദിനത്തിലും പ്രധാനമന്ത്രി അവരെ സന്ദര്ശിച്ച് ആശംസകള് നേര്ന്നിരുന്നു. അമ്മയെക്കുറിച്ചുള്ള വൈകാരികമായ കുറിപ്പ് പ്രധാനമന്ത്രി അന്ന് എഴുതുകയും ചെയ്തിരുന്നു.
