കുന്ദമംഗലം : കൺസ്ട്രക്ഷൻ വർക്കേഴ്സ് സൂപ്പർ വൈസേഴ്സ് അസോസിയേഷൻ ( CWSA ) ന്റെ നേതൃ ത്വത്തിൽ പാർപ്പിടം 2023 മെഗാ എക്സ് പോ പ്രദർശനം ജനുവരി 11 ന് വൈകുന്നേരം 4 ന് പി.ടി.എ റഹീം MLA ഉദ്ഘാടനം ചെയ്യും. സിന്ധു തിയ്യേറ്ററിനടുത്ത് വിശാലമായ സൗകര്യ ങ്ങളോടെ ആരംഭിക്കുന്ന പ്രദർശനം കാണാൻ എത്തുന്നവർക്ക് 50 രൂപ ടിക്കറ്റ് ചാർജും ഏഴാം തരം വരെയുള്ള വിദ്യാർത്ഥികൾക്ക് സൗജന്യവുമാണ്. വിനോദത്തിനും ആഹ്ളാദത്തിനും അവസരം ഒരുക്കുന്ന മേളയിൽ കാർണിവൽ, ഷോപ്പിങ്ങ് , ഫുഡ് കോർട്ട് , ദിവസേന കലാപരിപാടികൾ , പസിൽഷോ എന്നിവയും ഉണ്ടായിരിക്കും . മേളയിൽ നിന്നും ലഭിക്കുന്ന ആദായം സംഘടനയുടെ ചാരിറ്റി പ്രവർത്തനത്തിന്റെ ഭാഗമായി 5 നിർധാരരായ കുടുംബങ്ങൾക്ക് വീട് നിർമ്മിച്ചു നൽകുന്നതിനായി ഉപയോഗിക്കും. സംഘടനയുടെ പുതിയ ബാങ്ക് അടുത്ത മാസം മുണ്ടിക്കൽ താഴത്ത് പ്രവർത്തനം ആരംഭിക്കും. പ്രദർശന നഗരി സ്വാഗത സംഘം ചെയർമാൻ കെ.പി. ഗണേശൻ , കൺവീനർ കെ. വിനോദ് , ടി.കെ. സദാനന്ദൻ , സന്തോഷ് മുദ്ര , കെ. സുന്ദരൻ , മോഹൻ ദാസ് കരയത്തുങ്കൽ , ജിതേഷ് , അബ്ദുറഹിമാൻ , മണി ചാത്തമംഗലം , ബാലകൃഷ്ണൻ , കെ.പി. സതീഷൻ തുടങ്ങിയവർ പരിപാടിക്ക് നേതൃത്വം വഹിക്കും.
