തെലങ്കാനയിൽ ഗവർണർ – തെലങ്കാന സർക്കാർ പോര് ഒത്തുതീർപ്പിൽ. ബജറ്റ് അവതരിപ്പിക്കാൻ തടസ്സം ഉണ്ടാകില്ലെന്ന് ഗവർണർ തമിഴിസൈ സൗന്ദരരാജൻ അറിയിച്ചു,ഭരണഘടനാ വ്യവസ്ഥകൾ അനുസരിച്ച് ബജറ്റ് അവതരണം നടക്കുമെന്ന് ഗവർണറുടെ അഭിഭാഷകൻ ഹൈക്കോടതിയെ അറിയിച്ചു.. ഇതിന് പിന്നാലെ ഗവർണർക്കെതിരെ നൽകിയ ഹർജി സംസ്ഥാനസർക്കാർ പിൻവലിച്ചു. ഫെബ്രുവരി 3 – ന് ഗവർണർ നടത്താനിരിക്കുന്ന നയപ്രഖ്യാപനപ്രസംഗത്തിന് ഒരുക്കങ്ങളായോ എന്ന് ചോദിച്ച് രാജ്ഭവനിൽ നിന്ന് സർക്കാരിന് കത്ത് കിട്ടി. ഫെബ്രുവരി 3 – ന് അവതരിപ്പിക്കേണ്ട ബജറ്റിന് ഗവർണർ ഇതുവരെ അനുമതി നൽകിയില്ലെന്ന് കാട്ടിയാണ് സർക്കാർ ആദ്യം കോടതിയെ സമീപിച്ചത്. സുപ്രീം കോടതി അഭിഭാഷകനായ ദുഷ്യന്ത് ദവെയാണ് സംസ്ഥാന സർക്കാരിനായി ഹാജരായത്. നയപ്രഖ്യാപന പ്രസംഗത്തിന് അവസരം നൽകണമെന്ന് സംസ്ഥാന സർക്കാരിനോട് ആവശ്യപ്പെട്ടിരുന്നുവെന്നും ഇതു സംബന്ധിച്ച് സർക്കാരിന്റെ ഭാഗത്തുനിന്ന് മറുപടി ലഭിക്കാത്തതിനാലാണ് ബജറ്റിന് അനുമതി നൽകുന്നത് നീണ്ടുപോകുന്നതെന്നും ഗവർണറുടെ അഭിഭാഷകൻ കോടതിൽ വാദിച്ചു. എന്നാൽ നയപ്രഖ്യാപന പ്രസംഗവും ബജറ്റും രണ്ടാണെന്ന് ദുഷ്യന്ത് ദവെ കോടതിയിൽ വിശദീകരിച്ചു
