രാജ്യത്തിൻറെ അഭിമാനം ഓസ്ക്കാർ വേദിയിലെത്തിച്ച ഡോക്യൂമെന്ററി ചിത്രം ദി എലഫന്റ് വിസ്പറേഴ്സ്’ താരങ്ങള്ക്ക് ആദരമര്പ്പിച്ച് ചെന്നൈ സൂപ്പര് കിങ്സ്. ചിത്രത്തിന്റെ സംവിധായിക കാർത്തികി ഗോൺസാൽവസിനും കഥാപാത്രങ്ങളായ ബൊമ്മനും ബെല്ലിക്കും ചെന്നൈ ക്യാപ്റ്റന് എം.എസ് ധോണി ചിത്രത്തിന്റെഅവരുടെ പേര് പതിപ്പിച്ച തന്റെ 7–ാം നമ്പർ ജഴ്സി സമ്മാനിച്ചു.
സ്പെഷ്യല് സന്ദര്ഭത്തില് എത്തിച്ചേര്ന്ന സ്പെഷ്യല് വ്യക്തികള് എന്ന കുറിപ്പോടെ ഓസ്കര് ജേതാക്കളുടെ സന്ദര്ശന വിഡിയോ ചെന്നൈ സൂപ്പര് കിംങ്സ് ഔദ്യോഗിക ട്വിറ്റര് അക്കൗണ്ടില് പങ്കുവച്ചു.
ധോണി ഓസ്കര് ജേതാക്കളോട് സൗഹൃദ സംഭാഷണം നടത്തുകയും ഫോട്ടോയ്ക്ക് പോസ് ചെയ്യുകയും ചെയ്തു. തുടന്ന് തന്റെ മകള് സിവയേയും ധോണി പരിചയപ്പെടുത്തി. ഇവരുടെ കൈവശമുണ്ടായിരുന്ന ഓസ്കര് പുരസ്കാരവും ധോണി കൈകളിലെടുത്തു. ആനകളുടെ സംരക്ഷണത്തിനായി മുതുമല സങ്കേത്തതിന് സിഎസ്കെ നൽകുന്ന സംഭാവനയും ചടങ്ങിൽ കൈമാറി.
