അപകീര്ത്തിക്കേസില് മൊഴി രേഖപ്പെടുത്താന് കോണ്ഗ്രസ് നേതാവ് രാഹുല് ഗാന്ധി സൂററ്റിലെ മജിസ്ട്രേറ്റ് കോടതിയില് ഹാജരായി. ബി.ജെ.പി. എം.എല്.എ. പൂര്ണേഷ് മോദി നല്കിയ കേസിലാണ് രാഹുല് ഹാജരായത്.
മോദി എന്ന കുടുംബപേര് രാഹുല് അധിക്ഷേപകരമായി ഉപയോഗിച്ചു എന്നാണ് കേസ്. സൂററ്റ് ചീഫ് ജുഡീഷ്യല് മജിസ്ട്രേറ്റ് എ.എന്. ദവെയാണ് രാഹുല് ഗാന്ധിയോട് മൊഴി നല്കണമെന്ന് ആവശ്യപ്പെട്ടത്.
കര്ണാടകയില് 2019 ഏപ്രില് 13ന് ലോക്സഭാ തെരഞ്ഞെടുപ്പ് പ്രചരണ റാലിക്കിടെ രാഹുല് നടത്തിയ പരാമര്ശമാണ് കേസിന് ആധാരം. രാഹുലിന്റെ പ്രസംഗം മോദി സമുദായത്തെ മുഴുവന് അപമാനിക്കുന്നതാണെന്ന് ചൂണ്ടിക്കാട്ടിയാണ് പൂര്ണേഷ് മോദി പരാതി നല്കിയത്.
‘നീരവ് മോദി, ലളിത് മോദി, നരേന്ദ്ര മോദി ഇവര്ക്കെല്ലാം എങ്ങനെയാണ് മോദി എന്ന കുടുംബപേര് ലഭിച്ചത്? എല്ലാം കള്ളന്മാര്ക്കും മോദി എന്ന കുടുംബപേര് ലഭിച്ചത് എങ്ങനെയാണ്’? എന്നാണ് പ്രസംഗത്തില് രാഹുല് ചോദിച്ചത്.
