ഡല്ഹി: ഡല്ഹി ജവഹര്ലാല് നെഹ്റു യൂണിവേഴ്സിറ്റിയില് സംഘര്ഷം. എബിവിപി- ഇടതു സംഘടനാ പ്രവര്ത്തകര് തമ്മിലാണ് ഏറ്റുമുട്ടലുണ്ടായത്. സംഘര്ഷത്തില് നിരവധി വിദ്യാര്ത്ഥികള്ക്ക് പരിക്കേറ്റു. ക്യാമ്പസ് തെരഞ്ഞെടുപ്പുമായി ബന്ധപ്പെട്ട യോഗത്തിനിടെയാണ് സംഘര്ഷമുണ്ടായത്. ഇന്നലെ രാത്രിയാണ് സംഘര്ഷം ഉണ്ടായത്. എബിവിപി പ്രവര്ത്തകരാണ് സംഘര്ഷമുണ്ടാക്കിയതെന്ന് ഇടത് സംഘടനകള് ആരോപിച്ചു.
സ്കൂള് ഓഫ് ലാംഗ്വേജിലെ തെരഞ്ഞെടുപ്പ് കമ്മിറ്റി അംഗങ്ങളുടെ തെരഞ്ഞെടുപ്പിനെച്ചൊല്ലിയുണ്ടായ തര്ക്കത്തെ തുടര്ന്നുണ്ടായ തര്ക്കം നിയന്ത്രണാതീതമാവുകയും അക്രമത്തിലേക്ക് നീങ്ങുകയുമായിരുന്നു. ചില വിദ്യാര്ഥികളെ സഫ്ദര്ജംഗ് ആശുപത്രിയില് പ്രവേശിപ്പിച്ചിട്ടുണ്ടെന്ന് സര്വകലാശാലയിലെ ഒരു ഉദ്യോഗസ്ഥന് പറഞ്ഞു.ഒരാള് വടികൊണ്ട് വിദ്യാര്ഥികളെ മര്ദിക്കുന്നതും മറ്റൊരാള് ഒരാള് വിദ്യാര്ഥികള്ക്ക് നേരെ സൈക്കിള് എറിയുന്നത് സോഷ്യല്മീഡിയയില് പ്രചരിക്കുന്ന വീഡിയോകളില് കാണാം. രണ്ടു സംഘടനകളും പൊലീസില് പരാതി നല്കിയിട്ടുണ്ട്.
