ആശമാരുടെ നാലാം ഘട്ട സമരത്തിലേക്ക് നീങ്ങുന്ന പശ്ചാത്തലത്തിൽ
നിരാഹാരം സമരം പിൻവലിച്ചു. കഴിഞ്ഞ 42 ദിവസമായി നടത്തിവരുന്ന റിലേ നിരാഹാരം സമരം ആണ് അവസാനിപ്പിച്ചത്. രാപകൽ സമരം തുടരും. നാലാം ഘട്ട സമരത്തിലേക്ക് നീങ്ങുന്ന പശ്ചാത്തലത്തിലാണ് ആശമാരുടെ തീരുമാനം. മെയ്‌ 5 മുതൽ ആശമാരുടെ നാലാം ഘട്ട സമര പരിപാടി രാപകൽ സമര യാത്ര ആരംഭിക്കും.രാപകൽ സമരയാത്ര ആരംഭിക്കുന്ന സാഹചര്യത്തിലാണ് നിരാഹാരസമരം ആശമാർ പിൻവലിച്ചത്. ഈ മാസം അഞ്ചാം തീയതിയാണ് കാസർകോഡ് നിന്ന് തിരുവനന്തപുരത്തേക്ക് സമരയാത്ര സംഘടിപ്പിക്കുന്നത്. ഇന്ന് രാപകൽ യാത്രയുടെ ഫ്ലാഗ് ഓഫ് നടന്നു. സെക്രട്ടറിയേറ്റിന് മുന്നിലെ ആശമാരുടെ സമരം 80 ദിവസം പിന്നിടുകയാണ്. ഇന്ന് സമരക്കാർ മെയ്ദിന റാലി സംഘടിപ്പിച്ചു.
