കരുവന്നൂർ ബാങ്കിലെ നിക്ഷേപകർക്ക് പണം നൽകുന്നത് നിർത്തിവെക്കാൻ ഹൈക്കോടതിയുടെ ഇടക്കാല ഉത്തരവ്.ഏറ്റവും അത്യാവശ്യമുള്ളവര്ക്കു പണം നല്കാം. എന്നാല് ഹൈക്കോടതിയില് റിപ്പോര്ട്ട് ചെയ്യണമെന്നും ജസ്റ്റിസ് ടി.ആര്.രവി നിര്ദേശിച്ചു. പണം തിരിച്ചുനല്കുമ്പോള് ക്രമക്കേട് നടക്കാന് സാധ്യതയുള്ളതിനാലാണ് ഇത് നിര്ത്തിവെക്കാന് കോടതി ഉത്തരവിട്ടത്. പണം എങ്ങനെ തിരിച്ചുനല്കാന് കഴിയണമെന്ന് സര്ക്കാര് അറിയിക്കണമെന്നും കോടതി നിര്ദ്ദേശിച്ചു. കാലാവധി പൂര്ത്തിയായ 142 കോടിയുടെ സ്ഥിരനിക്ഷേപം ഉണ്ടെന്ന് ബാങ്ക് അറിയിച്ചു. 284 കോടിയുടെ നിക്ഷേപവും ഉണ്ട്.കോടിക്കണക്കിനു രൂപയുടെ സാമ്പത്തിക തട്ടിപ്പിനെത്തുടര്ന്ന് പ്രതിസന്ധിയിലായ കരുവന്നൂര് സര്വീസ് സഹകരണ ബാങ്കില് നിന്ന് നിക്ഷേപം തിരിച്ചു ലഭിക്കണമെന്നാവശ്യപ്പെട്ടു 5 പേര് നല്കിയ ഹര്ജിയിലാണു ഹൈക്കോടതി നിര്ദേശം.
