മകനെതിരെ നടക്കുന്ന വ്യാജ പ്രചാരണങ്ങളിൽ പ്രതികരണവുമായി ഉമാ തോമസ് എംഎല്എ.കഴിഞ്ഞ ദിവസമാണ് കഞ്ചാവ് കേസില് ഒരു വനിതാ എംഎല്എയുടെ മകനെ പൊലീസ് അറസ്റ്റ് ചെയ്തെന്ന തരത്തില് പ്രചാരണം അഴിച്ചുവിട്ടത്. ഉമാ തോമസ് എംഎല്എ കുടുംബത്തോടൊപ്പമുള്ള ചിത്രം ഉള്പ്പെടെയായിരുന്നു പ്രചാരണം. വ്യാജ പ്രചാരണം നടത്തിയവര്ക്കെതിരെ മുഖ്യമന്ത്രിക്കും ഡിജിപിക്കും ഉമാ തോമസ് പരാതി നല്കും.
പൊലീസ് പൊക്കി എന്ന് പറയുന്ന തന്റെ മകൻ കഴിഞ്ഞ ദിവസം പെയ്ത മഴയിൽ വെള്ളം കയറിയ തങ്ങളുടെ വീട് വൃത്തിയാക്കുന്ന ജോലിയിലാണ്. മൂത്ത മകൻ തൊടുപുഴ അൽ-അസർ കോളേജിൽ പഠിപ്പിച്ചു കൊണ്ടിരിക്കുകയാണെന്നും ഉമ തോമസ് ഫേസ്ബുക്കില് കുറിച്ചു. മരിച്ചിട്ടും ചിലർക്ക് പി ടിയോടുള്ള പക തീർന്നിട്ടില്ല.എനിക്കറിയാം.പാതിവഴിയില് എന്റെ പോരാട്ടം അവസാനിപ്പിക്കുവാന് ആര് വിചാരിച്ചാലും സാധിക്കില്ല.പി.ടി തുടങ്ങിവച്ചതൊക്കെ ഞാന് പൂര്ത്തിയാക്കുക തന്നെ ചെയ്യും.സത്യവുമായി ഒരു ബന്ധവും ഇല്ലാത്ത ഈ എഫ് ബി പോസ്റ്റ് ഇട്ടവര്ക്കും ഷെയര് ചെയ്തവര്ക്കുമെതിരെ മുഖ്യമന്ത്രിക്കും,ഡി ജി പി ക്കും, പരാതി നല്കും.ഉമതോമസ് കുറിച്ചു.
