കോഴിക്കോട്: കോഴിക്കോട് എരഞ്ഞിപ്പാലത്ത് യുവതി തൂങ്ങിമരിച്ച നിലയില്. സംഭവത്തില് ആണ് സുഹൃത്തിന്റെ അറസ്റ്റ് ഇന്ന് രേഖപ്പെടുത്തിയേക്കും. മംഗലാപുരത്ത് ഫിസിയോതെറാപ്പി പഠിക്കുകയായിരുന്ന ആയിഷ റിഷയെ കഴിഞ്ഞ ദിവസമാണ് യുവാവിന്റെ വാടകവീട്ടില് തൂങ്ങിമരിച്ച നിലയില് കണ്ടെത്തിയത്.
കണ്ണാടിക്കല് സ്വദേശിയും ജിം ട്രെയിനറുമായ ബഷീറുദ്ദീനെതിരെ ആത്മഹത്യാ പ്രേരണ കുറ്റം ചുമത്തിയാണ് പോലീസ് കേസെടുത്തിരിക്കുന്നത്. അതേസമയം സംഭവം കൊലപാതകം ആണെന്ന് ബന്ധുക്കള് ആരോപിച്ചിരുന്നു. പെണ്കുട്ടി യുവാവിന് അയച്ച സന്ദേശം പൊലീസ് കണ്ടെടുത്തിരുന്നു. എന്തെങ്കിലും സംഭവിച്ചാല് ഉത്തരവാദി താന് ആയിരിക്കും എന്നാണ് ആയിഷ റഷയുടെ സന്ദേശം.
