പ്രായപൂര്ത്തിയാകാത്ത ആണ്കുട്ടിയെ ലൈംഗികമായി ഉപദ്രവിച്ച കേസില് ബിജെപി നേതാവ് പിടിയില്. തിരുവനന്തപുരം പൂജപ്പുര വട്ടവിള സ്വദേശി വി കെ സതീഷ് കുമാറിനെയാണ് പൊലീസ് അറസ്റ്റ് ചെയ്തത്. അറസ്റ്റിലായ സതീഷ് കുമാര് ബാലഗോകുലം മുന് ജില്ലാ നേതാവാണ്. ചെങ്കള്ളൂര് വാര്ഡില് ബി ജെ പി സ്ഥാനാര്ത്ഥിയായി മത്സരിച്ചിട്ടുണ്ട്.
കുട്ടിയുടെ രക്ഷകര്ത്താക്കളുടെ പരാതിയിലാണ് പൂജപ്പുര പൊലീസ് കേസെടുത്ത് അന്വേഷണം ആരംഭിച്ചത്. പോക്സോ നിയമപ്രകാരമാണ് പൊലീസ് കേസ് രജിസ്റ്റര് ചെയ്തിരിക്കുന്നത്. സംഭവത്തില് പൊലീസ് കുട്ടിയുടെ മൊഴി രേഖപ്പെടുത്തിയിട്ടുണ്ട്. കേസില് കൂടുതല് തെളിവുകള് പൊലീസ് ശേഖരിച്ച് വരികയാണ്. ജാമ്യമില്ലാ വകുപ്പ് പ്രകാരമാണ് പൊലീസ് കേസ് രജിസ്റ്റര് ചെയ്തിരിക്കുന്നത്.
