തൃശ്ശൂര്: പാര്ലമെന്റില് വനിതാബില് പാസാക്കിയതിന്റെ അനുമോദന സമ്മേളനത്തില് പങ്കെടുക്കുന്നതിനായി പ്രധാനമന്ത്രി നരേന്ദ്രമോദി കേരളത്തില് എത്തി. ലക്ഷദ്വീപില് നിന്നും പ്രത്യേക വിമാനമാര്ഗം കൊച്ചിയിലെത്തിയ അദ്ദേഹം ഹെലികോപ്ടറില് തൃശൂരിലെത്തും. കുട്ടനെല്ലൂര് ഗവണ്മെന്റ് കോളജിലെ ഹെലിപാഡിലിറങ്ങിയ ശേഷം പ്രധാനമന്ത്രി നേരെ സ്വരാജ് റൗണ്ടിലേക്ക്. . തുടര്ന്ന് സ്വരാജ് റൗണ്ട് മുതല് നായ്ക്കനാല് വരെ ഒന്നരക്കിലോമീറ്റര് റോഡ് ഷോയിലും മോദി പങ്കെടുക്കും. ശേഷം
തേക്കിന്കാട് മൈതാനത്ത് മഹിളാ സമ്മേളനത്തെ അഭിസംബോധന ചെയ്ത് മോദി സംസാരിക്കും. സമ്മേളനത്തില് ബി ജെ പി നേതാക്കളും, ബീനാ കണ്ണന്, ഡോ. എം. എസ് സുനില് , വൈക്കം വിജയലക്ഷ്മി, ഉമാ പ്രേമന് , മറിയക്കുട്ടി, മിന്നു മണി, ശോഭന എന്നിവര് പ്രധാനമന്ത്രിക്കൊപ്പം വേദി പങ്കിടും. ഏഴു ജില്ലകളില് നിന്നുള്ള രണ്ടു ലക്ഷം വനിതകള് സമ്മേളനത്തിന്റെ ഭാഗമാകുമെന്ന് ബി ജെ പി അറിയിച്ചിട്ടുണ്ട്. പ്രധാനമന്ത്രിയുടെ സന്ദര്ശനത്തോട് അനുബന്ധിച്ച് തൃശൂര് നഗരത്തില് ഗതാഗതം പൂര്ണമായി നിരോധിച്ചിട്ടുണ്ട്. കനത്ത സുരക്ഷയാണ് ഒരുക്കിയിട്ടുള്ളത്.
