തൃക്കാക്കര ഉപതെരഞ്ഞെടുപ്പില് യുഡിഎഫിന്റെ വമ്പിച്ച മുന്നേറ്റത്തില് പരാജയം സമ്മതിച്ച് സിപിഎം ജില്ലാ സെക്രട്ടറി സി.എന്.മോഹനന് രംഗത്ത്.
തൃക്കാക്കരയിലെ തിരഞ്ഞെടുപ്പ് ഫലം അവിശ്വസനീയമെന്ന് സിപിഎം ജില്ലാ സെക്രട്ടറി സി.എന്. മോഹനന് പ്രതികരിച്ചു. ഇങ്ങനെ ഫലം പ്രതീക്ഷിച്ചില്ല. ഇത്രയും ഭൂരിപക്ഷം വരുമെന്ന് കരുതിയില്ലെന്നും സി.എന്. മോഹനന് പറഞ്ഞു. തൃക്കാക്കരയില് തോല്ക്കുന്നത് ക്യാപ്റ്റനല്ല, ജില്ലാ കമ്മറ്റിയാണ് തെരഞ്ഞെടുപ്പ് നയിച്ചതെന്നും അദ്ദേഹം പറഞ്ഞു. തൃക്കാക്കര ഫലം ഭരണത്തിന്റെ വിലയിരുത്തലാകുമെന്ന് കോടിയേരി പറഞ്ഞിട്ടില്ലെന്നും സി.എന്.മോഹനന് ന്യായീകരിച്ചു
2021ലെ നിയമസഭ തിരഞ്ഞെടുപ്പില് പി.ടി തോമസിന് ലഭിച്ചതിനേക്കാള് ഇരട്ടിയിലേറെയാണ് വോട്ടുകളുടെ ഭൂരിപക്ഷം നേടിയാണ് ഉമയുടെ കുതിപ്പ്. 2021 ല് പി.ടിയുടെ ലീഡ് 9000 കടന്നത് ഒന്പതാം റൗണ്ടിലാണ്. പതിനൊന്നരയോടെ അന്തിമ ഫലം പ്രഖ്യാപിച്ചേക്കും.
