പൂരം അട്ടിമറിയില് എഡിജിപിയെ ഒഴുവാക്കി അന്വേഷണം വീണ്ടും ഉണ്ടാകും. മുഖ്യമന്ത്രിയുടെ വാർത്ത സമ്മേളനത്തിന് മുൻപായി ചേർന്ന മന്ത്രി സഭയോഗത്തിലാണ് ഇക്കാര്യം സ്ഥിരീകരിച്ചത്. തൃശൂർ പൂരം കലക്കൽ ഡി ജി പി യുടെ നേതൃത്വത്തിൽ പുതിയ സംഘം അന്വേഷിക്കും.അന്വേഷണമുണ്ടാകുമെന്ന് ഇന്നലെ നടന്ന കൂടിക്കാഴ്ചയിൽ സിപിഐ സംസ്ഥാന സെക്രട്ടറിക്ക് മുഖ്യമന്ത്രി ഉറപ്പ് നൽകിയിരുന്നു. എഡിജിപിയുടെ പങ്കിനെ കുറിച്ച് ഡിജിപി അന്വേഷണം നടത്തും. അതേസമയം, തൃശ്ശൂർ പൂരം അലങ്കോലപ്പെടുത്തിയ സംഭവത്തിൽ തൃശ്ശൂർ പൊലീസ് കമീഷണറായിരുന്ന അങ്കിത് അശോകിനെതിരെ നടപടി ആവശ്യപ്പെടുന്ന ഹർജി ഹൈക്കോടതി ഇന്ന് വീണ്ടും പരിഗണിക്കും. ഉന്നതതല അന്വേഷണത്തിന്റെ റിപ്പോർട്ട് കാത്തിരിക്കുകയാണെന്ന് സർക്കാർ നേരത്തെ കോടതിയെ അറിയിച്ചിരുന്നു.
