മുല്ലപ്പെരിയാര് അണക്കെട്ടില് ജലനിരപ്പ് കൂടുതൽ ഉയർന്നതോടെ അണക്കെട്ടിൽ നിന്ന് കൂടുതല് ജലം തുറന്ന് വിടുന്നു. ജലനിരപ്പ് 138.95 അടി പിന്നിട്ടതോടെയാണ് ജലം തുറന്ന് വിടുന്നത്.അഞ്ച് ഷട്ടറുകള് കൂടി ഉയര്ത്തി. ഇതോടെ മുല്ലപ്പെരിയാല് അണക്കെട്ടില് തുറന്ന ഷട്ടറുകളുടെ എണ്ണം ആറായി.രാത്രി ലഭിച്ച ശക്തമായ മഴയാണ് ജലനിരപ്പ് ഉയരാന് കാരണം. ഷട്ടറുകള് 60 സെന്റി മീറ്റര് വീതം ഉയര്ത്തി 3,005 ഘനയടി വെള്ളമാണ് പുറത്തേക്ക് വിടുന്നത്. 138.95 അടിയാണ് നിലവിലെ മുല്ലപ്പെരിയാറിലെ ജലനിരപ്പ്.
കൂടുതല് വെള്ളം തുറന്ന് വിടുന്ന സാഹചര്യത്തില് പെരിയാര് തീരത്ത് ജാഗ്രതാ നിര്ദേശം പുറപ്പെടുവിച്ചിട്ടുണ്ട്. എന്നാല് നിലവില് ആശങ്കപ്പെടേണ്ട സാഹചര്യം ഇല്ലെന്ന് ഇടുക്കി ജില്ലാ കളക്ടര് അറിയിച്ചു
ജലനിരപ്പ് കുറഞ്ഞതോടെ മുല്ലപ്പെരിയാർ അണക്കെട്ടിന്റെ സ്പിൽവേയിലെ 5 ഷട്ടറുകൾ തമിഴ്നാട് ഇന്നലെ അടച്ചിരുന്നു. തുറന്നിരുന്ന 6 ഷട്ടറുകളിൽ മൂന്നെണ്ണം ഇന്നലെ രാവിലെയും രണ്ടെണ്ണം ഉച്ചയ്ക്കു ശേഷവുമാണ് അടച്ചത്. ബാക്കിയുള്ള ഒരു ഷട്ടറിലൂടെ പുറത്തുവിടുന്ന വെള്ളത്തിന്റെ അളവ് പകുതിയുമാക്കിയിരുന്നു.
