എസ്എസ്എൽസി, ഹയർ സെക്കൻഡറി പരീക്ഷാ തിയതികൾ പ്രഖ്യാപിച്ചു.2023 മാര്ച്ച് 9 ന് ആരംഭിക്കുന്ന എസ്.എസ്.എല്.സി. പരീക്ഷ മാര്ച്ച് 29 ന് അവസാനിക്കും. ഒന്നും രണ്ടും വര്ഷ ഹയര് സെക്കണ്ടറി/വൊക്കേഷണല് ഹയര് സെക്കണ്ടറി പരീക്ഷ മാര്ച്ച് 10 ന് ആരംഭിച്ച് മാര്ച്ച് 30 ന് അവസാനിക്കും. രാവിലെ 9.30 നാണ് പരീക്ഷ ആരംഭിക്കുക.4,19,362 റഗുലർ വിദ്യാർത്ഥികളും, 192 പ്രൈവറ്റ് വിദ്യാർത്ഥികളും, എസ്.എസ്.എൽ.സി പരീക്ഷ എഴുതുന്നുണ്ട്. ഇതിൽ 2,13,801 ആൺകുട്ടികളും 2,05,561 പെൺകുട്ടികളുമാണ്. സർക്കാർ സ്കൂളുകളിലായി ആകെ 1,40,703 കുട്ടികൾ പരീക്ഷ എഴുതുന്നു. ഇതിൽ 72,031 ആൺകുട്ടികളും 68,672 പെൺകുട്ടികളുമാണ്. എയിഡഡ് സ്കൂളുകളിൽ ആകെ 2,51,567 കുട്ടികളാണ് പരീക്ഷ എഴുതുന്നത്. 1,27,667 ആൺകുട്ടികളും 1,23,900 പെൺകുട്ടികളുമാണ്. അൺ എയിഡഡ് സ്കൂളുകളിൽ ആകെ 27,092 കുട്ടികൾ പരീക്ഷ എഴുതുന്നുണ്ട്. 14,103 ആൺകുട്ടികളും 12,989 പെൺകുട്ടികളുമാണുള്ളത്. എസ്.എസ്.എല്.സി പരീക്ഷയുടെ ഉത്തരക്കടലാസ്സ് മൂല്യനിര്ണ്ണയം സംസ്ഥാനത്തെ 70 ക്യാമ്പുകളിലായി 2023 ഏപ്രില് 3 മുതല് 26 വരെയും ഹയര് സെക്കന്ഡറി മൂല്യനിര്ണയം ഏപ്രില് മൂന്ന് മുതല് മെയ് ആദ്യ വാരംവരെയും നടക്കും
