:എസ്എഫ്ഐക്കാരില് നിന്ന് ക്രൂര മര്ദനമേറ്റുവെന്ന വിദ്യാര്ഥിയുടെ പരാതിയില് കേസെടുത്ത് പൊലീസ്. കൊയിലാണ്ടിയിലെ ആര് ശങ്കര് മെമ്മോറിയല് എസ്എന്ഡിപി ആര്ട്സ് ആന്ഡ് സയന്സ് കോളജിലെ യൂണിയന് ചെയര്മാന്, എസ്എഫ്ഐ യൂണിറ്റ് സെക്രട്ടറി തുടങ്ങി കണ്ടാലറിയാവുന്ന 20 പേര്ക്കെതിരെയാണ് കൊയിലാണ്ടി പൊലീസ് കേസെടുത്തത്. കോളജിലെ വിദ്യാര്ഥിയായ പയ്യോളി സ്വദേശി അമലാണ് പരാതി നല്കിയത്.ഇക്കഴിഞ്ഞ വെള്ളിയാഴ്ചയാണ് (മാര്ച്ച് 1) അമലിന് മര്ദനമേറ്റത്. ക്ലാസില് നിന്ന് വിളിച്ചിറക്കി കോളജിന് സമീപത്തെ വീട്ടിലെത്തിച്ചാണ് മര്ദനത്തിന് ഇരയാക്കിയതെന്ന് അമല് പറയുന്നു. എസ്എഫ്ഐ യൂണിറ്റ് സെക്രട്ടറിക്ക് അമലുമായുള്ള വ്യക്തി വൈരാഗ്യമാണ് മര്ദനത്തിന് കാരണമെന്ന് പരാതിയിലുണ്ട്.കോളജിലെ എസ്എഫ്ഐ പ്രവര്ത്തകന് നേരത്തെ മര്ദനമേറ്റിരുന്നു. ഇതിന് പിന്നില് താനാണെന്ന് തെറ്റിദ്ധരിച്ചാണ് സംഘം തന്നെ മര്ദിച്ചതെന്നും അമല് പറയുന്നു. ക്രൂര മര്ദനത്തിന് ഇരയാക്കി. പിന്നാലെ അതേസംഘം തന്നെ ആശുപത്രിയില് എത്തിച്ചു. അപകടത്തില് പരിക്കേറ്റുവെന്നാണ് സംഘം ഡോക്ടറോട് പറഞ്ഞതെന്നും അമല് പരാതിയില് വ്യക്തമാക്കുന്നു.ഭയം കാരണം ഡോക്ടറോട് ഒന്നും പറഞ്ഞിരുന്നില്ല. സ്വന്തം ക്ലാസിലെ വിദ്യാര്ഥി അടക്കം മര്ദ്ദിച്ചവരുടെ കൂട്ടത്തില് ഉണ്ടായിരുന്നു. ആശുപത്രിയില് നിന്ന് വീട്ടിലെത്തിയ തനിക്ക് അസഹ്യമായ വേദനയുണ്ടായി. ഇതേ തുടര്ന്നാണ് മര്ദന വിവരം വീട്ടുകാരോട് പറഞ്ഞത്. വിവരം അറിഞ്ഞ കുടുംബമാണ് കൊയിലാണ്ടി പൊലീസില് പരാതി നല്കിയതെന്നും അമല് പറഞ്ഞു.എന്നാൽ തങ്ങള്ക്കെതിരെയുള്ള കേസ് വ്യാജമാണെന്നും ആരെയും മര്ദിച്ചിട്ടില്ലെന്നും എസ്എഫ്ഐ യൂണിറ്റ് സെക്രട്ടറി ആര്. അനുനാഥ് പ്രതികരിച്ചു. അതേസമയം സംഭവത്തില് കോളജ് പ്രിന്സിപ്പലിന് അമല് ഇന്ന് (മാര്ച്ച് 4) പരാതി നല്കും. രേഖാമൂലം പരാതി ലഭിച്ചാൽ അന്വേഷണ കമ്മിഷനെ നിയോഗിക്കുമെന്ന് കോളജ് പ്രിൻസിപ്പൽ അറിയിച്ചിട്ടുണ്ട്. സംഭവത്തിൽ പ്രതിഷേധിച്ച് കെ.എസ്.യു ഇന്ന് (മാര്ച്ച് 4) കോളജിലേക്ക് മാർച്ച് നടത്തും.
Related Posts
ബംഗാൾ ഉൾക്കടലിൽ രൂപം കൊണ്ട ന്യൂനമർദം നാളെയോടെ ചുഴലിക്കാറ്റായിമാറുമെന്ന്
ബംഗാൾ ഉൾക്കടലിൽ രൂപം കൊണ്ട ന്യൂനമർദം നാളെയോടെ ചുഴലിക്കാറ്റായി മാറുമെന്നു കാലാവസ്ഥാ മുന്നറിയിപ്പ്. ഡിസംബർ
November 30, 2020
എംകെ രാഘവൻ എം പി യ്ക്ക് കോവിഡ്
എം കെ രാഘവൻ എം പി ക്ക് കോവിഡ് സ്ഥിരീകരിച്ചു. ഫേസ്ബുക്കിലൂടെ അദ്ദേഹം തന്നെയാണ്
November 30, 2020
എം.സി കമറുദ്ദീൻ എം.എൽ.എയുടെ ജാമ്യാപേക്ഷ ഹൈക്കോടതി തള്ളി
ഫാഷൻ ഗോൾഡ് തട്ടിപ്പ് കേസിൽ എം.സി കമറുദ്ദീൻ എം.എൽ.എയുടെ ജാമ്യാപേക്ഷ ഹൈക്കോടതി തള്ളി. വലിയ
November 30, 2020
ഒ രാജഗോപാലിനെ കമന്റ് ബോക്സിൽ ട്രോളി സന്ദീപാനന്ദഗിരി;
ഒ രാജഗോപാലിനെ ട്രോളി സന്ദീപാനന്ദഗിരി.സംസ്ഥാന സര്ക്കാര് കാര്ഷിക നിയമങ്ങള്ക്കെതിരെ കൊണ്ടുവന്ന പ്രമേയത്തെ നിയമസഭയില് എതിർക്കാതിരുന്ന
December 31, 2020
കോവിഡ് വാക്സിൻ വിതരണത്തിനായി കോൾഡ് സ്റ്റോറേജ് സംവിധാനമടക്കം സംസ്ഥാനം
കേരളത്തിൽ കോൾഡ് സ്റ്റോറേജ് സംവിധാനമടക്കം കൊവിഡ് വാക്സിൻ സംഭരത്തിനുള്ള എല്ലാം സജ്ജം.വിതരണ ശൃഖംലകൾ അടക്കം
December 31, 2020