പന്തിരിക്കരയില് നിന്ന് യുവാവിനെ സ്വര്ണക്കടത്ത് സംഘം തട്ടിക്കൊണ്ടുപോയ കേസില് ഒരാള് കൂടി അറസ്റ്റില്. വയനാട് സ്വദേശി സജീറാണ് അറസ്റ്റിലായത്. ഇതോടെ ഇതുവരെ അറസ്റ്റിലായവരുടെ എണ്ണം ആറായി. അതേസമയം ഇർഷാദ് എവിടെ എന്ന കാര്യത്തിൽ ദുരൂഹത തുടരുകയാണ്. തങ്ങളുടെ പിടിയില് നിന്ന് രക്ഷപ്പെട്ട ഇര്ഷാദ് പുഴയില് ചാടിയെന്നാണ് അറസ്റ്റിലായവരുടെ മൊഴി.
ഇര്ഷാദിനെ സ്വര്ണക്കടത്ത് സംഘം തട്ടിക്കൊണ്ടുപോയതായി ബന്ധുക്കള്ക്ക് വിവരം കിട്ടിയിട്ട് ഒരു മാസം കഴിഞ്ഞു. അതിനിടെ കാണാതായ ഇര്ഷാദിന്റെ മാതാപിതാക്കളെ ഡിഎന്എ പരിശോധനയ്ക്ക് വിധേയരാക്കും. ഇതിനായി ഇരുവരുടെയും രക്ത സാംപിള് ശേഖരിച്ചു. കൊയിലാണ്ടി കടല്ത്തീരത്ത് നിന്ന് കണ്ടെത്തിയ മൃതദേഹം സംബന്ധിച്ച് കൂടുതല് വിവരങ്ങള് കിട്ടിയ സാഹചര്യത്തിലാണ് പരിശോധന. പേരാമ്പ്ര കോടതിയുടെ അനുമതിയോടെയാണ് നടപടി.
