ലഖിംപൂരില് കൊല്ലപ്പെട്ട കര്ഷകരുടെ കുടുംബത്തെ കാണാനെത്തിയതിന് യുപിയിലെ ഗസ്റ്റ് ഹൗസില് തടഞ്ഞുവെച്ചതില് പ്രതിഷേധിച്ച് നിലം തൂത്തുവാരി കോണ്ഗ്രസ് നേതാവ് പ്രിയങ്ക ഗാന്ധി. കോണ്ഗ്രസ് ഔദ്യോഗിക ട്വിറ്റര് ഹാന്ഡിലില് ആണ് വീഡിയോ പങ്കുവെച്ചിരിക്കുന്നത്.ഉത്തര്പ്രദേശില് നിന്നും 50 കിലോമീറ്റര് അകലെയുള്ള സീതാപൂരിലെ പൊലീസ് ഗസ്റ്റ് ഹൗസിലാണ് പ്രിയങ്കയെ കസ്റ്റഡിയില് വെച്ചിരിക്കുന്നത്.
‘ഭരണഘടനാ അവകാശങ്ങള് സംരക്ഷിക്കാനും കര്ഷകരുടെ അവകാശങ്ങള്ക്ക് വേണ്ടിയുമാണ് ഈ നിരാഹാരം. നമ്മുടെ ജനാധിപത്യത്തെയും ഭരണഘടനാ അവകാശങ്ങളെയും തകര്ക്കാന് ബി.ജെ.പി സര്ക്കാരിനെ അനുവദിക്കരുത്.
ये अनशन है- अन्नदाता के अधिकार के लिए, संवैधानिक अधिकारों की रक्षा के लिए।
— Congress (@INCIndia) October 4, 2021
भाजपाई हुकूमत हमारे लोकतांत्रिक व संवैधानिक अधिकारों को नहीं कुचल सकती।
गाँधीजी के पथ पर चलते हुए अधिकारों की लड़ाई जारी रहेगी। #KhooniDarpokBJP#लखीमपुर_किसान_नरसंहार pic.twitter.com/qrO636YHrq
അവകാശങ്ങള്ക്ക് വേണ്ടിയുള്ള സമരങ്ങള് ഗാന്ധിയുടെ മാതൃകയില് തുടരും,’ കോണ്ഗ്രസ് വീഡിയോ പങ്കുവെച്ചുകൊണ്ട് പറഞ്ഞു.
കഴിഞ്ഞ ദിവസം രാത്രിയാണ് കര്ഷകരുടെ കുടുംബത്തെ കാണാന് പ്രിയങ്ക ഗാന്ധിയെത്തിയത്. എന്നാല് പ്രിയങ്കയുടെ വാഹനം പൊലീസ് തടഞ്ഞുവെക്കുകയായിരുന്നു. അറസ്റ്റ് ചെയ്യാനെത്തിയ പൊലീസിനെ വിരട്ടി പ്രിയങ്ക സംസാരിച്ചത് ചര്ച്ചയായിരുന്നു. വാറണ്ട് കാണിക്കൂ എന്നിട്ടാവാം അറസ്റ്റ് എന്നായിരുന്നു പ്രിയങ്ക ഗാന്ധി പറഞ്ഞത്.
