എയര് ഇന്ത്യ വിമാനത്തില് സഹയാത്രികയുടെ ദേഹത്ത് മൂത്രമൊഴിക്കുകയും നഗ്നത പ്രദർശനം നടത്തുകയും ചെയ്ത സംഭവത്തിൽ ഡല്ഹി പോലീസ് കേസെടുത്തു. മുംബൈയില് നിന്നുള്ള വ്യാപാരിയായ ശേഖര് മിശ്രയ്ക്കെതിരെയാണ് കേസെടുത്തിരിക്കുന്നത്. ഉടന് തന്നെ അറസ്റ്റുണ്ടാവുമെന്നുമാണ് വിവരം.വിവാദമായതിന് പിന്നാലെയാണ് പൊലീസ് നടപടികളിലേക്ക് കടക്കുന്നത്. യാത്രക്കാരിയായ സ്ത്രീയുടെ പരാതിയില് പോലീസ് ബുധനാഴ്ച പ്രഥമവിവര റിപ്പോര്ട്ട് ഫയല് ചെയ്തിരുന്നു.വിമാനത്തിൽ യാത്രക്കാരിയുടെ മേൽ മൂത്രമൊഴിക്കുകയും സ്വകാര്യഭാഗങ്ങൾ പ്രദർശിപ്പിക്കുകയും ചെയ്ത യാത്രക്കാരനെ 30 ദിവസത്തെ യാത്രാവിലക്ക് ഏർപ്പെടുത്തിയതായി എയർ ഇന്ത്യ നേരത്തെ വ്യക്തമാക്കിയിരുന്നു. സംഭവത്തെ വളരെ ഗൗരവത്തോടെയാണ് കമ്പനി കാണുന്നതെന്നും അധികൃതർ വ്യക്തമാക്കി. നവംബർ 26ന് ന്യൂയോർക്കിലെ ജോൺ എഫ് കെന്നഡി ഇന്റർനാഷണൽ എയർപോർട്ടിൽ നിന്ന് ന്യൂയോർക്ക് വിമാനം പോകുന്നതിനിടെയായിരുന്നു സംഭവം. ഉച്ചയ്ക്ക് ആഹാരം നൽകിയ ശേഷം മദ്യലഹരിയിലായിരുന്ന യാത്രക്കാരൻ സീറ്റിനടുത്തേക്ക് വന്നശേഷം ദേഹത്തേക്ക് മൂത്രം ഒഴിക്കുകയായിരുന്നെന്നാണ് പരാതി. മൂത്രമൊഴിച്ച ശേഷം സ്വകാര്യ അവയവങ്ങൾ പ്രദർശിപ്പിക്കുകയും തുടർന്ന് അവിടെ തന്നെ നിൽക്കുകയും ചെയ്തെന്നും 71കാരിയുടെ പരാതിയിൽ പറയുന്നു.
