വനിതാ ഡോക്ടര് നല്കിയ പീഡന പരാതിയെ തുടര്ന്ന് നടനും മേജര് രവിയുടെ സഹോദരനുമായ കണ്ണന് പട്ടാമ്പി എന്ന എന്.കെ. രാജേന്ദ്രന് പാലക്കാട് ജില്ലയില് പ്രവേശിക്കാന് ഹൈക്കോടതി വിലക്ക്.
കേസില് മുന്കൂര് ജാമ്യം തേടി കോടതിയെ സമീപിച്ചപ്പോഴാണ് വിലക്ക് ഏര്പ്പെടുത്തി ഹൈക്കോടതി ഉത്തരവിട്ടത്. ജാമ്യാപേക്ഷയില് നാളെ വിധി പറയും.അതുവരെ ഇയാളെ അറസ്റ്റ് ചെയ്യരുതെന്നും കോടതി നിര്ദേശിച്ചിട്ടുണ്ട്.
പീഡന പരാതി നല്കിയ ശേഷം തന്നെ സോഷ്യല്മീഡിയയിലൂടെയും നേരിട്ടും കണ്ണന് പട്ടാമ്പി തന്നെ നിരന്തരമായി ഉപദ്രവിക്കുകയാണെന്ന് ആരോപിച്ച് ജൂലൈയില് ഡോക്ടര് രംഗത്തെത്തിയിരുന്നു.2019 നവംബറിലാണ് കേസിന് ആസ്പദമായ സംഭവം. പട്ടാമ്പിയിലെ ആശുത്രിയില് ജോലി ചെയ്യുന്ന ഡോക്ടറുടെ അടുത്ത് ചികിത്സക്കെത്തിയതായിരുന്നു കണ്ണന് പട്ടാമ്പി.
