തിരുവനന്തപുരം: മുഖ്യമന്ത്രി പിണറായി വിജയനും മകൾ വീണാ വിജയനുമെതിരായ മാസപ്പടി ആരോപണത്തിൽ അന്വേഷണം ആവശ്യപ്പെട്ട് എംഎൽഎ മാത്യു കുഴൽനാടൻ വിജിലൻസ് ഡയറക്ടർക്ക് പരാതി നൽകി.
‘മാസപ്പടിയുമായി ബന്ധപ്പെട്ട് അഴിമതിയുടെ വ്യക്തതയുള്ള തെളിവുകൾ പുറത്തുവന്ന സാഹചര്യത്തിൽ അഴിമതി നിരോധന നിയമപ്രകാരം കേസെടുത്ത് അന്വേഷണം നടത്തണമെന്നാണ് മാത്യു കുഴൽനാടന്റെ ആവശ്യം, ‘.മാധ്യമശ്രദ്ധ കിട്ടാൻ ഉന്നയിച്ച ആരോപണമല്ലെന്നും കൃത്യമായ തെളിവുണ്ടെന്നും വിജിലൻസ് ഡയരക്ടറെ കണ്ട ശേഷം മാത്യു കുഴൽനാടൻ പറഞ്ഞു
അഴിമതിക്കെതിരായ പോരാട്ടത്തിൽ തനിക്ക് പാർട്ടിയുടെ പിന്തുണയും അനുമതിയുമുണ്ടെന്നും കുഴൽനാടൻ പറഞ്ഞു. മാസപ്പടി ആരോപണവുമായി ബന്ധപ്പെട്ട് പുറത്ത് വന്ന റിപ്പോർട്ടിലെ ‘പി.വി.’ പണറായി വിജയൻ തന്നെയാണെന്ന് തെളിയിക്കുമെന്നും കുഴൽനാടൻ കൂട്ടിച്ചേർത്തു
