സംസ്ഥാനത്ത് നിലവിലെ ഒമിക്രോണ് വ്യാപനത്തിന്റെ പശ്ചാത്തലത്തില് സ്കൂളുകള് അടയ്ക്കേണ്ട സാഹചര്യമില്ലെന്നും ഭാവിയില് കൊവിഡ് കേസുകള് കൂടിയാല് വിദഗ്ധരുടെ അഭിപ്രായം പരിഗണിച്ച് തീരുമാനമെടുക്കുമെന്നുംവിദ്യാഭ്യാസ മന്ത്രി വി ശിവന്കുട്ടി.
നിലവിലെ സ്കൂളുകളുടെ പ്രവര്ത്തനത്തെ ബാധിക്കുന്ന രീതിയില് ഒമിക്രോണ് കേസുകള് കൂടിയിട്ടില്ല. സ്കൂള് തുറന്ന അന്ന് മുതല് ഇതുവരെ അതീവ ഗൗരവമായി ഇടപെടേണ്ട സാഹചര്യത്തിലും ഒരു പ്രശ്നവുമില്ലാതെയാണ് പോവുന്നത്. ഇനിയും ഒമിക്രോണ് എണ്ണം കൂടി സ്കൂള് തുറക്കാന് പറ്റാത്ത സാഹചര്യത്തില് വിദഗ്ധരുടെ അഭിപ്രായം പരിഗണിച്ച് തീരുമാനമെടുക്കുമെന്നും മന്ത്രി പറഞ്ഞു.
കേരളത്തില് ഇന്നലെ 4801 പേര്ക്കാണ് കൊവിഡ് 19 സ്ഥിരീകരിച്ചത്. എറണാകുളം 1081, തിരുവനന്തപുരം 852, കോഴിക്കോട് 467, തൃശൂര് 376, പത്തനംതിട്ട 370, കോട്ടയം 315, ആലപ്പുഴ 232, കണ്ണൂര് 215, കൊല്ലം 188, മലപ്പുറം 184, ഇടുക്കി 170, പാലക്കാട് 140, വയനാട് 128, കാസര്ഗോഡ് 83 എന്നിങ്ങനേയാണ് ജില്ലകളില് രോഗ ബാധ സ്ഥിരീകരിച്ചത്.
