വാടക വീടിനുള്ളിൽ പ്രവര്ത്തിച്ച നിരോധിത പുകയില ഉല്പന്നങ്ങളുടെ പാക്കിംഗ് യൂണിറ്റ് എക്സൈസ് കണ്ടെത്തി. കോട്ടയം വടവാതൂരിലാണ് 20 ലക്ഷം രൂപ വിലവിരുന്ന 500 കിലോ നിരോധിത പുകയില ഉത്പന്നങ്ങളും നിര്മാണത്തിനുള്ള ഉപകരണങ്ങളും 12 കുപ്പി വിദേശമദ്യവും പിടിച്ചെടുത്തത് . സംഭവവുമായി ബന്ധപ്പെട്ട് ഒരാളെ അറസ്റ്റ് ചെയ്തിട്ടുണ്ട്.വീട് വാടകയ്ക്കെടുത്തിരുന്ന അരുൺ എന്ന ആളെയാണ് അറസ്റ്റ് ചെയ്തത്.വടവാതൂരില് വീട് വാടകയ്ക്കെടുത്താണ് വ്യാജ പുകയില ഉത്പന്ന നിര്മാണ യൂണിറ്റ് പ്രവര്ത്തിച്ചിരുന്നത്. നിരോധിത പുകയില ഉത്പന്നമായ ഹാന്സാണ് ഇവിടെ വന്തോതില് നിര്മിച്ചിരുന്നത്. ഇതിനായി ലക്ഷക്കണക്കിന് രൂപയുടെ യന്ത്രങ്ങളും സ്ഥാപിച്ചിരുന്നു.പുകയില ഉല്പന്നങ്ങള് വന് തോതില് ഈ വീട്ടില് എത്തിച്ച ശേഷം പ്രത്യേക യന്ത്രം ഉപയോഗിച്ച് പായ്ക്ക് ചെയ്താണ് വില്പ്പനയ്ക്കായി എത്തിച്ചിരുന്നതെന്ന് എക്സൈസ് പറഞ്ഞു.
