കണ്ണൂര്: പാനൂരിലെ ബോംബ് സ്ഫോടനത്തിന്റെ പശ്ചാത്തലത്തില് വ്യാപക പരിശോധനയുമായി പൊലീസ്. സംഭവത്തില് ഒളിവിലുള്ള പ്രതികള്ക്കായി തിരച്ചിലും പൊലീസ് ഊര്ജിതമാക്കി. ബോംബ് നിര്മാണത്തിനു മുന്കൈയെടുത്ത ഷിജാല്, അക്ഷയ് എന്നിവര്ക്കായാണ് തിരച്ചില്. ഇരുവരേയും കണ്ടെത്തിയാല് സംഭവത്തില് കൂടുതല് വ്യക്തത വരുമെന്നു പൊലീസ് കണക്കുകൂട്ടുന്നു.
സ്ഫോടനത്തിന്റെ പശ്ചാത്തലത്തില് കണ്ണൂര്- കോഴിക്കോട് അതിര്ത്തി പ്രദേശങ്ങളിലടക്കം പൊലീസ് കര്ശന പരിശോധനയാണ് നടത്തുന്നത്. പാനൂര്, കൊളവല്ലൂര്, കൂത്തുപറമ്പ് മേഖലകളിലും പരിശോധന നടത്തി. ബോംബ്, ഡോഗ് സ്ക്വാഡുകളും പരിശോധനയില് പങ്കെടുത്തു. നേരത്തെ സിആര്പിഎഫിന്റെ നേതൃത്വത്തിലും പരിശോധന നടത്തിയിരുന്നു.
