ജമ്മുകശ്മീരിൽ ഭീകരാക്രമണം ശ്രീനഗറില് രണ്ടു അധ്യാപകരെ ഭീകരര് വെടിവെച്ചു കൊന്നു. ശ്രീനഗറിലെ സംഗാം സ്കൂളിലാണ് ഭീകരാക്രമണം ഉണ്ടായത്. ബോയ്സ് ഹയര് സെക്കൻഡറി സ്കൂള് പ്രിന്സിപ്പല് സുഖ് വിന്ദര് കൗര്, അധ്യാപകനായ ദീപക് ചാന്ദ് എന്നിവരാണ് കൊല്ലെപ്പെട്ടത്. ഇരുവരേയും ആശുപത്രിയിലെത്തിച്ചെങ്കിലും രക്ഷിക്കാനായില്ല. രണ്ട് പേരും ശ്രീനഗറില് താമസിക്കുന്നവരാണ്.
പ്രദേശത്ത് സൈന്യം സുരക്ഷ ശക്തമാക്കി. ഭീകരരെ കണ്ടെത്താനുള്ള തിരച്ചില് സുരക്ഷാ സേന തുടരുകയാണ്.
കഴിഞ്ഞ മൂന്ന് ദിവസത്തിനിടെ ശ്രീനഗറില് ഭീകരരുടെ ആക്രമണത്തില് കൊല്ലപ്പെട്ടവരുടെ എണ്ണം അഞ്ചായി
അഞ്ചോളം അധ്യാപകര് പ്രിന്സിപ്പലിന്റെ മുറിയില് യോഗം ചേരുന്നതിനിടെ രണ്ടു ഭീകരര് സ്കൂളിലേക്ക് അതിക്രമിച്ചു കയറുകയായിരുന്നു.
അധ്യാപകരെ വധിച്ച സംഭവത്തെ ജമ്മു കശ്മീര് പീപ്പിള്സ് ഡെമോക്രാറ്റിക് പാര്ട്ടി അപലപിച്ചു.
