കൊല്ലം: 62ാമത് സംസ്ഥാന സ്കൂള് കലോത്സവത്തില് അത്യന്തം വാശിയേറിയ പോരാട്ടത്തില് കോഴിക്കോടിനെ പിന്നിലാക്കി കണ്ണൂരിന് കലാ കിരീടം. 952 പോയിന്റു നേടിയാണ് 23 വര്ഷങ്ങള്ക്കു ശേഷം കണ്ണൂര് 117.5 പവന് വരുന്ന സ്വര്ണക്കപ്പില് മുത്തമിട്ടത്. സ്കൂള് കലോത്സവത്തില് കണ്ണൂരിന്റെ 4-ാം കിരീടനേട്ടമാണിത്. കോഴിക്കോട് (949 പോയന്റ്) രണ്ടാം സ്ഥാനവും പാലക്കാട് (938 പോയന്റ്) മൂന്നാം സ്ഥാനവും നേടി.
ആദ്യ നാല് ദിവസവും ആധിപത്യം പുലര്ത്തിയത് കണ്ണൂര് ആണെങ്കിലും ഇന്നലെ രാത്രിയോടെ കോഴിക്കോട് ഒന്നാമതെത്തിയിരുന്നു. അവസാന ദിനം കിരീടം ഉറപ്പിച്ച് മുന്നേറിയെങ്കിലും കോഴിക്കോട് അവസാന മത്സരയിനങ്ങളില് നടത്തിയ മുന്നേറ്റത്തിലൂടെ കണ്ണൂര് കിരീടം നേടുകയായിരുന്നു.
പാലക്കാട്- 938, തൃശൂര്- 925, മലപ്പുറം- 913, കൊല്ലം- 910, എറണാകുളം- 899, തിരുവനന്തപുരം -870, ആലപ്പുഴ -852, കാസര്കോട് 846, കോട്ടയം 837, വയനാട് 818, പത്തനംതിട്ട 774, ഇടുക്കി 730, എന്നീ ജില്ലകളാണ് തുടര്ന്നുള്ള സ്ഥാനങ്ങളില് എത്തിയത്.
ഹൈസ്കൂള്, ഹയര് സെക്കന്ഡറി വിഭാഗങ്ങളിലായി 239 മത്സരയിനങ്ങളാണ് കഴിഞ്ഞ അഞ്ച് ദിവസമായി കൊല്ലത്ത് നടന്നുവന്ന കലോത്സവത്തില് ഉണ്ടായിരുന്നത്. ഇത്തവണ കലാ കിരീടത്തിനായി ഇഞ്ചോടിഞ്ച് പോരാട്ടമാണ് നടന്നത്.
