കുന്ദമംഗലം : കുന്ദമംഗലം ഹയര് സെക്കന്ഡറി സ്കൂളില് നടക്കുന്ന ഇന്റര് സ്കൂള് (KIFT)ടൂര്ണമെന്റിന്റെ സമാപന സമ്മേളനം കുന്നമംഗലം ബ്ലോക്ക് പഞ്ചായത്ത് പ്രസിഡണ്ട് അരിയില് അലവി ഉദ്ഘാടനം ചെയ്തു.
മുന് സന്തോഷ് ട്രോഫി താരം നിയാസ് റഹ്മാന് മുഖ്യാതിഥിയായ ചടങ്ങ് പി ടി എ എക്സിക്യൂട്ടീവ് മെമ്പര് സക്കീര് ഹുസൈന് പി അധ്യക്ഷതവഹിച്ചു. ഷാജിമോന് കെ, രജിത്ത് രാജ്,നന്ദകുമാര് വി പി, എം കൃഷ്ണമണി,അഷ്റഫ് എ സി, ഗിരീഷ് കുമാര് പി, എ പി ശ്രീജിത്ത് എന്നിവര് സംസാരിച്ചു.
ചടങ്ങിന് സ്റ്റാഫ് സെക്രട്ടറി ത്രിവിക്രമന് മാസ്റ്റര് സ്വാഗതം പറഞ്ഞു. കായിക അധ്യാപകന് പ്രജിത് കുമാര് കെ കെ നന്ദി രേഖപ്പെടുത്തി.
എല് പി വിഭാഗത്തില് നടന്ന ഫൈനല് മത്സരത്തില് എ എം എല് പി സ്കൂള് കുന്ദമംഗലത്തിനെപരാജയപ്പെടുത്തി കുന്ദമംഗലം യുപി(10) സ്കൂളും യുപി വിഭാഗത്തില് കുന്ദമംഗലം എ യു പി സ്കൂളിനെ പരാജയപ്പെടുത്തി കുന്ദമംഗലം ഹയര്സെക്കന്ഡറി സ്കൂളും(21) ചാമ്പ്യന്മാരായി.
