തൃക്കാക്കര തെരഞ്ഞെടുപ്പില് ട്വന്റി ട്വന്റിയും മത്സരിക്കില്ല. എഎപി മത്സരത്തിനില്ലെന്ന് പ്രഖ്യാപിച്ചതിന് പിന്നാലെയാണ് ട്വന്റി ട്വന്റിയും നിലപാട് അറിയിച്ചത്. രാഷ്ട്രീയപ്രാധാന്യമില്ലാത്തതിനാലാണ് തെരഞ്ഞെടുപ്പില് നിന്ന് പിന്മാറുന്നതെന്ന് സാബു ജേക്കബ് അറിയിച്ചു.
നേരത്തെ തൃക്കാക്കരയില് മുന്നണികള്ക്കെതിരെ എഎപിയും ട്വന്റി ട്വന്റിയും സംയുക്ത സ്ഥാനാര്ത്ഥിയുണ്ടാകുമെന്ന് സൂചനകളുണ്ടായിരുന്നു. എന്നാല് ഉപതെരഞ്ഞെടുപ്പില് മത്സരിക്കേണ്ടതില്ലെന്ന് ഇരു പാര്ട്ടികളും തീരുമാനിക്കുകയായിരുന്നു. ആംആദ്മി പാര്ട്ടിയുമായി ചേര്ന്നാണ് തീരുമാനമെടുത്തതെന്ന് ട്വന്റി ട്വന്റി ചെയര്മാന് സാബു എം ജേക്കബ് അറിയിച്ചു.
സംസ്ഥാന ഭരണത്തെ നിര്ണ്ണയിക്കുന്ന തെരഞ്ഞെടുപ്പല്ല തൃക്കാക്കരയില് നടക്കുന്നത്. രാഷ്ട്രീയമായി ഒട്ടും പ്രധാന്യമില്ലാത്ത ഉപതെരഞ്ഞെടുപ്പിന്റെ മത്സര രംഗത്ത് നിന്നും വിട്ടു നില്ക്കാനും സംഘടനാ പ്രവര്ത്തനത്തില് ശ്രദ്ധ കേന്ദ്രീകരിക്കാനുമാണ് ട്വന്റി ട്വന്റിയുടേയും ആം ആദ്മിയുടെയും തീരുമാനമെന്ന് ഇരു പാര്ട്ടികളും അറിയിച്ചു.
