ഗുജറാത്തില് സ്വര്ണത്തരികള് തേടി മാന്ഹോളിലിറങ്ങിയ രണ്ടു പേര് ശ്വാസംമുട്ടി മരിച്ചു.സൂറത്തില് ഗോപിപുര പ്രദേശത്ത് കഴിഞ്ഞ വ്യാഴാഴ്ചയാണ് സംഭവം.രോഹിത് റാത്തോഡ് (24), കരൺ റാത്തോഡ് (27) എന്നിവരാണ് മരിച്ചത്.അംബാജി ക്ഷേത്രത്തിനു സമീപം ചെറിയ സ്വര്ണാഭരണ നിര്മാണ ശാലകള് പ്രവര്ത്തിക്കുന്നുണ്ട്. ഇവിടെ നിന്ന് വരുന്ന മലിന ജലത്തോടൊപ്പം സ്വര്ണത്തരികള് ലഭിക്കുമെന്ന പ്രതീക്ഷയിലാണ് യുവാക്കള് മാന്ഹോളിലിറങ്ങിയത്.മാൻഹോളിന്റെ ആഴം ഏകദേശം 10 അടിയാണെന്നും ഇരുവർക്കും ശ്വാസതടസം നേരിടാൻ തുടങ്ങിയപ്പോൾ സഹായത്തിനായി നിലവിളിച്ചപ്പോൾ നാട്ടുകാർ അറിയിച്ചതിനെ തുടർന്ന് അഗ്നിശമനസേനാ സേന എത്തുകയായിരുന്നു.തുടർന്ന് ഞങ്ങളുടെ സംഘം സ്ഥലത്തെത്തി അഴുക്കുചാലിൽ പൈപ്പ് വെട്ടിമാറ്റി ആളുകളെ പുറത്തെടുത്തു.അബോധാവസ്ഥയിൽ അവരെ ആശുപത്രിയിൽ എത്തിച്ചെങ്കിലും രക്ഷിക്കാനായില്ലെന്ന് ചീഫ് ഫയർ ഓഫീസർ ബസന്ത് പരീഖ് പറഞ്ഞു. സംഭവത്തില് അത്വാലിൻസ് പോലീസ് സ്റ്റേഷനിൽ അപകട മരണ റിപ്പോർട്ട് രജിസ്റ്റർ ചെയ്തിട്ടുണ്ടെന്നും അന്വേഷണം നടക്കുകയാണെന്നും പൊലീസ് അറിയിച്ചു. മൃതദേഹങ്ങൾ പോസ്റ്റ്മോർട്ടത്തിന് ശേഷം ബന്ധുക്കൾക്ക് വിട്ടുകൊടുത്തു. സ്വര്ണ്ണം ലഭിക്കുമെന്ന് കരുതി നിരവധി പേര് ഇത്തരത്തില് എത്താറുണ്ടെന്ന് പ്രദേശവാസികള് പറയുന്നു.
