സ്വര്‍ണവില കുതിക്കുന്നു. ഇന്ന് രണ്ടു തവണയാണ് വിലയില്‍ വര്‍ധനവുണ്ടായത്. ഗ്രാമിന് 25 രൂപ കൂടി 6600 രൂപയും പവന് 200 രൂപ കൂടി 52800 രൂപയുമായി. രാവിലെ ഗ്രാമിന് 10 രൂപ കൂടി 6575രൂപയും പവന് 80 രൂപ കൂടി 52,600 രൂപയുമായിരുന്നു. ഇന്ന് മാത്രം പവന് 280 രൂപയാണ് കൂടിയത്. രാവിലെ സ്വര്‍ണവില നിശ്ചയിക്കുമ്പോള്‍ രാജ്യാന്തര സ്വര്‍ണവില 2343 ഡോളര്‍ ആയിരുന്നു. ഉച്ചയ്ക്കുശേഷം ഡോളര്‍ നിരക്ക് വര്‍ധിച്ച് 2354 ഡോളറിലേക്ക് എത്തിയിട്ടുണ്ട്.
രാജ്യാന്തര വിലയിലുണ്ടായ മാറ്റത്തെ ചൂടുപിടിച്ചാണ് കേരള വിപണിയിലും വിലവര്‍ധിച്ചത്. നിലവിലെ നിരക്ക് പ്രകാരം ഒരു പവന് സ്വര്‍ണത്തിനു നികുതിയും പണിക്കൂലിയും അടക്കം 57000 രൂപയ്ക്ക് മുകളില്‍ നല്‍കണം. വരും ദിവസങ്ങളിലും സ്വര്‍ണവില കൂടുമെന്നാണ് വിപണി നല്‍കുന്ന സൂചന.
