ഇലക്ട്രോണിക്സ് ആൻഡ് ഇൻഫർമേഷൻ ടെക്നോളജി മന്ത്രാലയം ഗവൺമെൻ്റ് ഓഫ് ഇന്ത്യ എൻ ഐ ടി കാലിക്കറ്റിലെ മൂന്ന് വിദ്യാർത്ഥികളെ ഇന്ത്യ എ ഐ ഫെല്ലോകളായി തിരഞ്ഞെടുത്തു. മുഹമ്മദ് സാദ് റഫീഖ് (ബി.ടെക്, സി.എസ്.ഇ.ഡി), ഹാഷിൽ മുഹമ്മദ് (ബി.ടെക്, ഇ.സി.ഇ.ഡി), മൊഹ്സിന ബിലാൽ (എം.ടെക് (സി.എസ്.-എ.ഐ.ഡി.എ), സി.എസ്.ഇ.ഡി.) എന്നിവരാണ് വിദ്യാർഥികൾ. പ്രോജക്ട് ഗൈഡുകൾ യഥാക്രമം ഡോ. ചന്ദ്രമണി ചൗധരി (സിഎസ്ഇഡി), ഡോ. ഹരികൃഷ്ണ എം (സിഇഡി), ഡോ. ഗോപകുമാർ ജി (സിഎസ്ഇഡി) എന്നിവരാണ്. തിരഞ്ഞെടുക്കപ്പെട്ട ബി.ടെക് വിദ്യാർഥികൾക്ക് ഫെലോഷിപ്പായി ഒരു ലക്ഷം രൂപ വീതവും എം.ടെക് വിദ്യാർഥിക്ക് രണ്ട് ലക്ഷം രൂപയും ലഭിക്കും. NIRF റാങ്കിംഗിൽ ആദ്യ 100-ൽ ഉള്ള എഞ്ചിനീയറിംഗ് കോളേജുകളിൽ നിന്ന് രാജ്യത്തുടനീളമുള്ള തിരഞ്ഞെടുത്ത കുറച്ച് പേർക്ക് മാത്രമാണ് ഈ അഭിമാനകരമായ ഫെലോഷിപ്പ് നൽകുന്നത്.
