ലീഗ് അനുകൂലികളുടെ നാളത്തെ വഖഫ് വിശദീകരണ സമ്മേളനം നിർത്തിവയ്ക്കാന് ഇടപെടലുമായി സമസ്ത നേതൃത്വം. നാളത്തെ യോഗം റദ്ദാക്കണം എന്നാവശ്യപ്പെട്ട് സംഘാടക സമിതിക്ക് സമസ്ത നേതൃത്വം കത്ത് നൽകി. സിപിഐഎം വേദിയിലെ ഉമർ ഫൈസി മുക്കത്തിൻ്റെ പ്രസംഗം 23ന് ചേരുന്ന മുശാവറ യോഗം ചർച്ച ചെയ്യും. വിഷയത്തിൽ ഉചിതമായ തീരുമാനം കൈക്കൊള്ളുമെന്നും കത്തില് പറയുന്നു. അന്തിമ തീരുമാനമെടുക്കാൻ സംഘാടക സമിതി യോഗം ചേരും. നാളെ മലപ്പുറത്താണ് സമസ്തയിലെ ലീഗ് അനുകൂലികൾ വഖഫ് വിശദീകരണ സമ്മേളനം പ്രഖ്യാപിച്ചത്. സമ്മേളനം സമസ്തയിലെ വിഭാഗീയത രൂക്ഷമാക്കിയ സാഹചര്യത്തിലാണ് നേതൃത്വത്തിന്റെ ഇടപെടൽ.
