ഇന്ധന വില വര്ധനവിനെതിരെ കോൺഗ്രസിന്റെ റോഡ് ഉപരോധത്തിനിടെ നടന് ജോജു ജോര്ജിന്റെ കാര് തല്ലിത്തകര്ത്ത കേസില് കോണ്ഗ്രസ് നേതാക്കളായ മുന് മേയര് ടോണി ചമ്മിണി ഉള്പ്പെടെ അഞ്ചു പ്രതികള്ക്ക് ജാമ്യം അനുവദിച്ച് എറണാകുളം മജിസ്ട്രേറ്റ് കോടതി.കാറിന്റെ മൊത്തം വിലയുടെ 50 ശതമാനം കെട്ടണമെന്നായിരുന്നു പ്രോസിക്യൂഷന് വാദം. ഇത് തള്ളിയ കോടതി, നാശനഷ്ടത്തിന്റെ 50 ശതമാനം കെട്ടിവെച്ച് ജാമ്യം അനുവദിക്കുകയായിരുന്നു.
അഞ്ചുപേരും 37,500 രൂപ വീതം കോടതിയില് കെട്ടിവെയ്ക്കണം. 50000 രൂപയുടെ രണ്ടു ആള്ജാമ്യത്തിലുമാണ് കോടതി ജാമ്യം അനുവദിച്ചത്. നേതാക്കള് നാളെ രാവിലെ പത്തരയോടെ ജയിലില് നിന്ന് ഇറങ്ങും.
