മധ്യപ്രവർത്തകയെ അപമാനിച്ച സംഭവത്തിൽ സുരേഷ്ഗോപിക്ക് പോലീസ് നോട്ടീസ്. ഈ മാസം 18 ന് മുൻപ് ഹാജരാകണമെന്ന് നടക്കാവ് പോലീസ് അയച്ച നോട്ടീസിൽ പറയുന്നു. കോഴിക്കോട് കെ.പി.എം ട്രൈസെൻഡ ഹോട്ടലിന് മുന്നിൽ ബൈറ്റ് എടുക്കുമ്പോഴായിരുന്നു സുരേഷ് ഗോപി മാധ്യമപ്രവർത്തകയെ അപമാനിക്കുന്ന രീതിയിൽ പെരുമാറിയത്.
ചോദ്യം ചോദിച്ച മാധ്യമ പ്രവർത്തകയുടെ തോളിൽ സുരേഷ് ഗോപി കൈവെക്കുകയും തുടർന്ന് ഇവർ ഒഴിഞ്ഞുമാറിയെങ്കിലും വീണ്ടും ചോദ്യമുന്നയിച്ചപ്പോൾ വീണ്ടും തോളിൽ കൈവെക്കുകയായിരുന്നു. അപ്പോള് തന്നെ സുരേഷ് ഗോപിയുടെ കൈതട്ടി മാറ്റിയ മാധ്യമപ്രവര്ത്തക പിന്നീട് പോലീസിനെ ബന്ധപ്പെടുകയായിരുന്നു.തുടര്ന്നാണ് സംഭവത്തില് കേസെടുക്കുന്നത്. അതിനിടെ മാധ്യമപ്രവര്ത്തകയ്ക്ക് മോശമായി തോന്നിയെങ്കില് താന് മാപ്പ് പറയുന്നു എന്ന് വിഷയത്തില് നിന്ന് തലയൂരാന് സുരേഷ് ഗോപി സമൂഹമാധ്യമത്തില് കൂടെ ശ്രമിച്ചുവെങ്കിലും ആരും അത് മുഖവിലയ്ക്കെടുത്തില്ല.
