നടിയെ ആക്രമിച്ച കേസില് മൊഴി മാറ്റിയ സംഭവം വിശദമായി പരിശോധിക്കാൻ പോലീസ്.20 സാക്ഷികളാണ് വിചാരണയ്ക്കിടെ കൂറുമാറി പ്രതിഭാഗത്ത് ചേര്ന്നിരുന്നത്, നടന് സിദ്ദിഖ്, ഇടവേള ബാബു, ഭാമ, ബിന്ദു പണിക്കര് എന്നിവര് ഉള്പ്പെടെയുള്ളവരാണ് കോടതിയില് മൊഴി മാറ്റിയിരുന്നത്.ഇവരുടെ കൂറു മാറ്റത്തിന്റെ സാമ്പത്തിക ശ്രോതസ് പൊലീസ് അന്വേഷിക്കും.ആക്രമിക്കപ്പെട്ട നടിയോട് ദിലീപിനുണ്ടായിരുന്ന വൈരാഗ്യത്തെക്കുറിച്ചായിരുന്നു പോലീസ് സിനിമ താരങ്ങളില് നിന്ന് ശേഖരിച്ച മൊഴി.എന്നാല് കോടതിയില് എത്തിയപ്പോള് ഇവര് മൊഴി മാറ്റുകയായിരുന്നു. നടിയുടെ സിനിമ അവസരങ്ങള് ദിലീപ് ഇല്ലാതാക്കിയത്, അമ്മ റിഹേഴ്സല് സമയത്ത് നടിയും ദിലീപും തമ്മിലുണ്ടായ തര്ക്കം എന്നിവ സംബന്ധിച്ചായിരുന്നു സിദ്ദിഖ് ഉള്പ്പെടെയുള്ളവരുടെ മൊഴിയെടുത്തത്.
അതേസമയം, കേസിലെ പ്രധാന സാക്ഷി സാഗറിനെ മൊഴി മാറ്റാന് പ്രേരിപ്പിച്ചത് ദിലീപും സംഘവുമെന്ന് തെളിയിക്കുന്ന രേഖകള് റിപ്പോര്ട്ടര് ടി.വി പുറത്തുവിട്ടു.
