ഇന്ത്യന് താരം രവീന്ദ്ര ജഡേജയ്ക്ക് പിഴയിട്ട് ഐസിസി.കളിക്കിടെ ഫീല്ഡ് അമ്പയര്മാരെ അറിയിക്കാതെ കൈവിരലില് ക്രീം പുരട്ടിയതിനെ തുടര്ന്നാണ് നടപടി. ഐസിസി പെരുമാറ്റച്ചട്ടത്തിന്റെ ലംഘനമായതിനാല് താരത്തിന് മാച്ച് ഫീയുടെ 25 ശതമാനം പിഴ വിധിക്കുകയും ഒരു ഡീമെറിറ്റ് പോയന്റ് ചുമത്തുകയും ചെയ്തു.വിരലിൽ വേദന ആയതിനാലാണ് ജഡേജ കയ്യിൽ ക്രീം പുരട്ടിയതെന്ന് ഇന്ത്യൻ ടീം അറിയിച്ചിരുന്നെങ്കിലും അമ്പയറുടെ അനുവാദം വാങ്ങാതിരുന്നതിനാലാണ് അച്ചടക്ക നടപടി. പന്തിൽ കൃത്രിമം കാണിക്കാനല്ല ക്രീം പുരട്ടിയതെന്ന് മാച്ച് റഫറിക്ക് ബോധ്യമായതായി ഐസിസി പറയുന്നു.ടെസ്റ്റിന്റെ ഒന്നാം ദിനത്തിലായിരുന്നു സംഭവം. മുഹമ്മദ് സിറാജിന്റെ കൈയില് ഉണ്ടായിരുന്ന ഒരു ക്രീം ജഡേജ തന്റെ ഇടത് ചൂണ്ടുവിരലില് പുരട്ടുന്നതിന്റെ ദൃശ്യങ്ങളാണ് ക്യാമറ ഒപ്പിയെടുത്തത്. ഇത് നിമിഷങ്ങള്ക്കകം സോഷ്യല് മീഡിയയില് വൈറലാകുകയും ചെയ്തു. ജഡേജ പന്തില് കൃത്രിമം കാണിച്ചു എന്നുവരെ ആരോപണങ്ങള് ഉയര്ന്നു.
