തിരുവനന്തപുരം: കേരള സര്വകലാശാല യുവജനോത്സവത്തിനിടെ ഉണ്ടായ സംഘര്ഷവുമായി ബന്ധപ്പെട്ട് എസ്.എഫ്.ഐ, കെ.എസ്.യു പ്രവര്ത്തകര്ക്കെതിരെ പൊലീസ് കേസെടുത്തു. എസ്.എഫ്.ഐ പ്രവര്ത്തകര്ക്കെതിരെ രണ്ടും കെ.എസ്.യു പ്രവര്ത്തകര്ക്കെതിരെ ഒരു കേസുമാണ് രജിസ്റ്റര് ചെയ്തത്.
മാരകായുധങ്ങളുമായി കെ.എസ്.യു പ്രവര്ത്തകരെ ആക്രമിച്ചതിനാണ് എസ്.എഫ്.ഐ പ്രവര്ത്തകര്ക്കെതിരെ കേസെടുത്തത്. യുവജനോത്സവം അലങ്കോലപ്പെടുത്താന് ശ്രമിച്ചതിനാണ് കെ.എസ്.യു പ്രവര്ത്തകര്ക്കെതിരെ കേസ്. എസ്.എഫ്.ഐ ജില്ലാ സെക്രട്ടറി ആദര്ശ്, കെ.എസ്.യു ജില്ലാ പ്രസിഡന്റ് ഗോപു നെയ്യാര് തുടങ്ങിയവര്ക്കെതിരെയാണ് തിരുവനന്തപുരം കന്റോണ്മെന്റ് പൊലീസ് കേസെടുത്തത്.