കൊച്ചി: ആലുവയില് ഉത്തരേന്ത്യന് മോഡല് ആക്രമണം. ട്രെയിന് യാത്രക്കാരെ വടികൊണ്ട് അടിച്ച് മൊബൈല് ഫോണടക്കം തട്ടിപ്പറിയ്ക്കുന്ന ആറംഗ സംഘത്തെ റെയില്വെ പൊലീസ് പിടികൂടി. ആലുവ, പെരുമ്പാവൂര്, മലപ്പുറം സ്വദേശികളെയാണ് റെയില്വെ പൊലീസ് പിടികൂടിയത്.
അറസ്റ്റിലായവരില് പ്രായപൂര്ത്തിയാവാത്ത ഒരാളും ഉള്പ്പെട്ടിട്ടുണ്ട്. റെയില്വേ സ്റ്റേഷന് അടുത്ത് ട്രെയിനിന്റെ വേഗം കുറയുമ്പോള് വാതിലിന് അടുത്തു നില്ക്കുന്നവരെ വടികൊണ്ട് അടിക്കലായിരുന്നു ഇവരുടെ ആക്രമണത്തിന്റെ രീതി. കഴിഞ്ഞദിവസം അടിയേറ്റ യുവാവ് ട്രെയിനില് നിന്ന് താഴെ വീണ് പരിക്കേറ്റിരുന്നു.
ഇയാളുടെ പരാതിയിലാണ് റെയില്വേ പൊലീസ് അന്വേഷണം തുടങ്ങിയത്.
