കോവിഡ് വ്യാപനത്തിന് പിന്നാലെ അടഞ്ഞുകിടന്ന സ്കകൂളുകൾ തുറക്കുന്നതിനായുള്ള ഒരുക്കങ്ങൾ സംസ്ഥാന സർക്കാർ ആരംഭിച്ചതായി വിദ്യാഭ്യാസ മന്ത്രി വി. ശിവൻകുട്ടി.സര്ക്കാര് പ്രഖ്യാപനം വന്നാല് താമസിക്കാതെ സ്കൂള് തുറക്കാനുള്ള നടപടികള് പൂര്ത്തിയാക്കുമെന്നും മുഖ്യമന്ത്രിയുടെ നേതൃത്വത്തിലുള്ള ഉന്നതതല സമിതിയാണ് അന്തിമ തീരുമാനം എടുക്കുന്നതെന്നും ശിവന്കുട്ടി അറിയിച്ചു.സ്കൂള് തുറക്കണമെങ്കില് വിദ്യാഭ്യാസ വകുപ്പ് മാത്രം വിചാരിച്ചാല് പോര. വിദ്യാഭ്യാസ തദ്ദേശ ആരോഗ്യ വകുപ്പുകള് ചേര്ന്നുള്ള സമിതിയാണ് ഇതിനായി പ്രവര്ത്തിക്കുന്നത്. മുന്നൊരുക്കങ്ങള് നടത്താന് ബന്ധപ്പെട്ടവര്ക്ക് നിര്ദ്ദേശം നല്കിയിട്ടുണ്ട്.വിദഗ്ദ്ധര് പ്രോജക്റ്റുകളും പഠനങ്ങളും നടത്തുന്നുണ്ടെന്നും അതിന്റെയെല്ലാം അടിസ്ഥാനത്തിലായിരിക്കും തീരുമാനമെന്നും മന്ത്രി പറഞ്ഞു.
സംസ്ഥാനത്ത് സ്കൂളുകൾ അടക്കമുള്ള വിദ്യാഭ്യാസ സ്ഥാപനങ്ങൾ തുറക്കാനുള്ള ആലോചന നടക്കുന്നുണ്ടെന്ന് മുഖ്യമന്ത്രി ഇന്നലെ വാർത്താസമ്മേളനത്തിൽ പറഞ്ഞിരുന്നു.
