കോഴിക്കോട് ജില്ലാ ശിശുക്ഷേമ സമിതിയുടെ നേതൃത്വത്തിൽ 2 ദിവസം നീണ്ടു നിൽക്കുന്ന ശാസ്ത്ര ചരിത്ര ശിൽപശാലയ്ക്ക് തുടക്കമായി ഒളവണ്ണ പഞ്ചായത്ത് ഇഎംഎസ്. ഹാളിൽ എഴുത്തുകാരനും സാംസ്കാരിക പ്രവർത്തകനുമായ കെ ഇ എൻ ഉദ്ഘാടനം ചെയ്തു. ജില്ലാ ശിശുക്ഷേമ സമിതി സെക്രട്ടറി പി ശ്രീദേവ് അധ്യക്ഷനായി. സംസ്ഥാന ശിശുക്ഷേമ സമിതി വൈസ് പ്രസിഡന്റ് പി സുമേശൻ, ജില്ലാ ജോ. സെക്രട്ടറി കെ സുധീർ കുമാർ, ട്രഷറർ കെ വിജയൻ, എക്സിക്യൂട്ടീവ് അംഗങ്ങളായ കെ എൻ ബാബു, സുനിൽ കാവുങ്ങൽ എന്നിവർ സംസാരിച്ചുക്യാമ്പ് കോഡിനേറ്റർമാരായ സി അഭയ് രാജ്, ഷിയോണ പുരുഷോത്തമൻ,കെ അമൃത് എന്നിവരാണ് ക്യാമ്പിന് നേതൃത്വം നൽകുന്നത്. സ്വാഗത സംഘം വൈസ് ചെയർമാൻ മനോജ് പാലത്തൊടി സ്വാഗതവും ക്യാമ്പ് ഡയറക്ടർ സി ബാബു നന്ദിയും പറഞ്ഞു.
