ബിജെപിയോട് രാഷ്ട്രീയ ചായ്വ്പുലര്ത്തുന്ന സംവിധായകന് മേജര് രവി പ്രതിപക്ഷ നേതാവ് രമേശ് ചെന്നിത്തല നയിക്കുന്ന ഐശ്വര്യ കേരള യാത്രയില് പങ്കെടുക്കും. തൃപ്പൂണിത്തുറയില് വച്ചായിരിക്കും പരിപാടിയില് പങ്കെടുക്കുക. മറ്റ് വേദികളിലും പ്രസംഗിക്കും. യാത്ര എന്റെ മണ്ഡലത്തില് എത്തുമ്പോള് പങ്കെടുക്കുമെന്ന് അദ്ദേഹം ഒരു മാധ്യമത്തോട് പ്രതികരിച്ചു. ക്ഷണിച്ചതനുസരിച്ചാണ് പോകുന്നത്. പരിപാടിയില് പങ്കെടുത്തെന്ന് കരുതി കോണ്ഗ്രസുകാരനാവുന്നില്ല. കോണ്ഗ്രസില് ചേരുന്നതിനെ കുറിച്ച് തീരുമാനിച്ചിട്ടില്ലെന്നും അദ്ദേഹം പറഞ്ഞു.
