തിരുവനന്തപുരം: സംസ്ഥാനത്ത് വീണ്ടും സ്വര്ണവില സര്വകാല റെക്കോര്ഡില്. പവന് ഇന്ന് 800 രൂപയാണ് ഒറ്റയടിക്ക് വര്ധിച്ചത്. ഇതോടെ ആദ്യമായി 53000 ത്തിന് മുകളിലെത്തി വിപണി നിരക്ക്. അന്താരാഷ്ട്ര സ്വര്ണ്ണവില 2383 ഡോളറും, ഇന്ത്യന് രൂപയുടെ വിനിമയ നിരക്ക് 83.38 ആണ്. 24 കാരറ്റ് സ്വര്ണ്ണകട്ടിക്ക് ബാങ്ക് നിരക്ക് കിലോഗ്രാമിന് 75 ലക്ഷം രൂപയായി. ഒരു പവന് സ്വര്ണത്തിന്റെ ഇന്നത്തെ വിപണി വില 53760 രൂപയാണ്.
ഒരു ഗ്രാം 22 കാരറ്റ് സ്വര്ണത്തിന്റെ വിപണി വില 6720 രൂപയാണ്. 18 കാരറ്റ് സ്വര്ണത്തിന്റെ വില 5620 രൂപയാണ്. വെള്ളി വിലയും ഉയരുകയാണ്.. ഒരു ഗ്രാം സാധാരണ വെള്ളിയുടെ വില 90 രൂപയാണ് ഹാള്മാര്ക്ക് വെള്ളിയുടെ വില 103 രൂപയുമാണ്.